【獨媒報導】林鄭月娥公布今屆任期内最後一份施政報告，立法會議員何君堯表示只給49分，稱「行政長官終於醒覺，做返上任第一日已經要做嘅嘢」，「呢一份應該係2017年10月嘅施政報告，點出咗自己團隊嘅不濟、不足喺邊度，但佢仲要經歷咗四年之後先話畀你聽不足」。
何君堯見記者時先稱，施政報告內容有份量，但又稱「唔係新嘢」，並指佩服林鄭咬緊牙關，克服黑暴和厄困：「佢有少少哽咽。作為女士嚟講，家庭犧牲好大，畀佢支持唔少先做得到。」他指出，林鄭終於知道政府在執行機制上有所不足，並且欠缺高層督導，和跨部門的溝通亦不足，「佢知道自己弱點係喺邊度，係好事」。
林鄭指專員職位具成效 何君堯：可能有公廁專員
林鄭提出考慮重組政府架構，包括重組政策局。何君堯認為已屬遲來的春天，質疑為何不立刻在現屆政府增設副司長：「即刻搵人嚟幫手啦，一日都嫌長呀。」他認為，林鄭此舉是惹人遐想，「點解仲要為下屆政府作諮詢，再畀佢考慮呢？」
此外，林鄭月娥認為，專職專責的專員職位有成效，提倡各局長多設專員職位，例如「兒童事務專員」及「海濱事務專員」。何君堯嘲認為來得太遲，更暗諷除了廉政專員和「運動專員」，日後更可能有公廁專員：「按佢邏輯，咁樣會打理得到位啲。」他建議由獵頭公司物色人才，而不是在公務員隊伍中尋找人選。
一人記者會 形容林鄭「知恥近乎勇」
何君堯未有和其他建制派單頭議員一起見記者，他滔滔不絕，一人發言近半小時。記者問到對該份施政報告的評分，何君堯表示以100分滿分，只會給予49分。
他認為，今次的施政報告可圈可點，能夠清楚看到林鄭過去四年的不足，形容對方「知恥近乎勇，知道自己不足喺邊度，仍然努力去做，係一件好事。」