圖片來源：港協暨奧委會
【獨媒報導】香港運動員在巴黎奧運取得兩金、兩銅的佳績，行政長官李家超大讚港隊運動員，在巴黎奧運展現了非凡力量、盡展所長及全力以赴：「無論結果係點樣，佢哋都均充分展現咗佢哋決心、毅力同埋意志，喺世界舞台上充分發揮專業態度同埋體育精神，佢哋每一位都係我哋香港市民嘅心中英雄。」他同提到，本港希望在明年落成設立有劍擊訓練、比賽的運動場館：「喺呢方面，我哋會揸緊進行。」
政府新聞處圖片
指運動員激動人心 向世界展示不屈不撓精神
李家超率領代表團訪問東盟成員國，包括老撾、柬埔寨和越南，他今日下午在越南總結行程時表示，訪問期間正值巴黎奧運的比賽，未能看到正播賽事：「但係我哋都係好關心香港運動員喺巴黎奧運嘅實際參賽情況，所以透過香港嘅同事同新聞報道密切關注。」
在見記者的時候，李家超形容，香港運動員是市民心目中的英雄：「各運動員激動咗我哋嘅心，向世界展現香港運動員自強不息、全力拼搏、不屈不撓嘅精神。我喺呢度肯定同埋表揚每一位香港運動員同埋個教練團，同埋支援團，佢哋每一位成員所作出嘅努力。」
李家超：無論有冇獎牌，我哋都支持同埋肯定你哋
李家超表示，運動員經歷艱苦訓練，並要捱過受傷及痛楚，重申各運動員的努力、付出，及表現都是香港的光榮：「無論有冇獎牌，我哋都支持同埋肯定你哋，作為你哋喝采同埋鼓掌。」
港隊目前已贏得四面獎牌，李家超稱本港全城熱烈歡騰，再次點名祝賀贏得獎牌的江旻憓、張家朗及何詩蓓：「香港市民為你哋感到自豪，引以為傲，感謝你哋亦都感謝教練同埋團隊嘅努力，所作出嘅悉心培育同埋支援。」當局將在奧運完結後舉行慶祝活動，李家超將在禮賓府歡迎及感謝運動員。