【獨媒報導】垃圾徵費原定於去年12月實施，及後兩度延遲至8月1日，目前正進行「先行先試」，惟風聲已料會再次押後。清潔服務業職工會會長黃迺元昨日出席民主黨網台節目，指清潔工在政策中總是「不被看見」，垃圾徵費增加清潔工的壓力及責任。
清潔服務業職工會會長黃迺元昨日（4月25日）出席民主黨前立法會議員劉慧卿的網台節目「ChatDP with Emily Lau」，討論垃圾徵費。他形容政策忽視清潔服務業的聲音、清潔工總是「不被看見」，垃圾徵費增加清潔工面對的責任和壓力，「工友其實唔知自己面對緊嘅有可能嘅刑責係啲咩」，「例如徵廢袋破損咗叫違規垃圾，無打好個結又係叫違規垃圾，工友需要花嘅精神係多咗。」
環保署雖為垃圾徵費向各行業制定的「良好作業指引」，惟黃迺元憂難以實施，「香港幾百萬人口都要一個幾萬人嘅警隊管治安，以環保署或者食環署嘅編制，佢有冇充足嘅人手去監管違規垃圾嘅問題呢？」他提到現時回收配套措施仍有很大改善空間，只有完善配套才能提高市民接受程度，「處理回收物嘅生產商成日話收唔夠，但我哋前線工友成日話啲桶爆晒，中間嗰個斷層喺邊度我估有關部門係咪要先解決。」
環保署早前回覆立法會議員江玉歡查詢，指「大日子」如歲晚大掃除、農曆新年、聖誕節、清明節及重陽節等或豁免徵費，黃迺元指工友的工作量將大增，認為有違政策原意，「我估垃圾徵費最重要嗰個原則係源頭減廢令少啲垃圾產生，而唔係大時大節豁免啲垃圾收錢」，籲政府藉垃圾徵費檢討清潔工面對的處境。