（獨媒報導）民主黨前立法會議員李華明早前在報章撰文，呼籲民主黨參選年底的區議會換屆選舉。他今早受邀出席官方慶回歸酒會，他接受記者訪問時再次呼籲，民主黨派員參加區議會選舉：「我寫咗文啦，我公開話希望民主黨參選啦，我好清晰㗎立場。」
記者就問李華明，會否考慮親身上陣參選，他表示自己已接近70歲：「我覺得應該畀年輕人參選嘅，唔應該我哋呢啲年紀大，政界浮沉咁多年嘅⋯⋯。」
作為酒會場內的唯一民主派，被問到會否感到可惜，李華明稱「唔係太好感受囉」：「如果我唔嚟嘅話，就更加無埋囉。」
至於民主派在日後的角色及路向，李華明稱一國兩制如要健康走下去，本港不能沒有另類聲音：「你民主派又好，非建制派，我諗呢個社會都需要嘅，都唔會想清一色㗎嘛係咪？」李華明稱，當然希望能有更多民主派人士可以出席酒會：「雖然我每年嚟都係見吓好多老朋友。」
另外，有記者問李華明在出席酒會前，是否有通知民主黨，他稱自己只是普通黨員：「唔需要，我係一個普通黨員，同埋呢個酒會嚟，唔係啲咩嘢，唔需要預先知會，平常心！」
