【獨媒報導】近年多間媒體相繼停運，有記者失業或轉行，引起人手荒。財政司副司長黃偉綸今午出席「恒大商業新聞獎」活動時大談「傳媒經」，指在香港做記者雖然起初要捱苦，但前途尚算不錯，可享有「有尊嚴嘅生活」，「會唔會大富大貴？就唔會嘅，同做問責官員一樣，你都係有個合理中產生活水平嘅啫。」
即場教路 指商業分析有價有市
曾於2009年擔任政府新聞處處長的黃偉綸今午為恒生大學「第七屆恒大商業新聞獎」頒獎禮致詞，強調分享是「個人睇法，不代表政府睇法」。他首先指不同意傳統紙本媒體沒落，強調報導內容的需求仍十分大，「你睇返好多所謂網上評論員，佢都係靠返『傳統』（媒體）」，認為網上評論只是將紙本媒體的內容「發揚光大」。
黃偉綸擁有港大社會科學學士學位，其妻子是勞工處處長陳穎韶。他即場「教做新聞」，指商業新聞講求分析，「你如果淨係同我講今日恒生指數幾點收市，停咗，冇乜意義」，認為好的收費分析內容也可以「有價有市」，形容該範疇前途無限。
港台截圖
稱記者起初要捱「係一個好好嘅鍛鍊」
本屆共有過百份參賽作品，黃偉綸在致辭中亦勉勵學生「攞唔到獎唔代表做得唔好」，強調「特別係新聞上，參與係更加緊要」。他又以香港小姐作例子，「大家記得有啲時候，個別年份香港小姐一二三名，都真係未必係後來發展最好嗰個」，隨即引來台下拍手歡呼。
黃偉綸又稱已經決定入行的學生「揀啱咗」，指雖然在香港做記者要捱苦，但同時亦是一個鍛鍊：「嗱，開頭要捱下嘅，呢個香港新聞界情況啦，開頭個待遇變咗比較刻苦一啲，但其實做記者，特別今天講商業新聞，係一個好好嘅鍛鍊場嚟。」
笑言記者與問責官員都不會大富大貴
他解釋，記者比其他人知道更多事情，商業觸覺亦會變得敏感，「你自己投資都可能叻啲啦」，自己亦見到無論留守傳媒界，抑或轉任公關的人士前景都不錯，並笑言：「會唔會大富大貴？就唔會嘅，同做問責官員一樣，你都係有個合理中產生活水平嘅啫。」
在頒獎禮上，黃偉綸更逐一點名台下其他嘉賓，例如有線新聞前執行董事趙應春、《信報》總編輯郭豔明，指他們「全部唔係身光頸靚，穿金戴銀，但都係好健康，一個好合理嘅生活，有尊嚴嘅生活！個個都幾好㗎。」他又反駁有人指做記者很凄慘，「唔好信佢，你努力做，前途係會幾好㗎。」
黃偉綸在上屆政府擔任發展局局長，而現屆政府增設3名副司長職位，包括政務司副司長、財政司副司長及律政司副司長。政府當時在文件中指出，副司長的薪酬定於司長與局長的中間，即每月363,400元，較局長高6,000元。
行會召集人兼新民黨立法會議員葉劉淑儀曾批評政府新聞稿冗長難明，黃偉綸稱新聞處正學習精簡內容，又強調有時發佈新聞稿「唔係為咗自己講，係希望對方聽咗明白或者記得」。