【獨媒報導】由上屆政府開始，保安局已著手研究規管「假資訊假新聞」，局長鄧炳強表示「處理假新聞係必須嘅」，他沒有回應是否發牌規管，表示要由業界思考，他又謂：「如果行業唔去理，認為個個都做（記者）啦咁，咁人哋點會尊重你個行業呢？」他聲言2019年修例證運動期間，有13歲學生自稱記者，又有人拍攝女警評頭品足，「究竟邊啲係真正記者？」
對於假資訊假新聞，鄧炳強認為是有人刻意發布假訊息，再被傳媒誇大報導，導致社會分化，令市民憎恨政府和中央，「處理假新聞係必須嘅」，現時交由民政及青年事務局處理。
對於坊間有人要求透過立法和發牌規管，鄧炳強表示：「我嘅睇法係：記者規管，由返你哋行業朋友自己諗。如果行業唔去理，認為個個都做（記者）啦咁，咁人哋點會尊重你個行業呢？」
稱與很多傳媒關係良好
他又聲言政府「想幫你哋去採訪，我都唔知邊個係（記者），我唔可以全部人都幫，或者全部人都唔幫，咁所以呢個問題係留返你哋自己行業去諗」。他又指在2019年反修例運動期間，「有好多人呢13歲嘅小朋友又話自己係記者，有啲人呢攞住個鏡頭影住我哋啲女同事，喺度評頭品足，又話自己係記者，咁究竟邊啲係真正記者，邊啲唔係真正記者呢？」
他過往點名批評傳媒機構，但他不認為影響與傳媒關係，「我同好多傳媒呢，關係都唔錯嘅」，「部份偏頗嘅傳媒，畀我指證當然係唔喜歡我啦」，他強調遇到「偏頗、誤導性報導」，他有責任指出，「如果唔係嘅話，（市民）聽咗呢啲一面之詞，咪畀人誤導咗囉」。