【獨媒報導】港台節目《視點31》討論電視娛樂節目的社會責任，藝人「玻璃朱」朱庭萱表示，不建議藝人作政治表態，認為會得失另一方的觀眾，「如果你私底下問我梗係唔啦，但點解我會表態呢，因為嗰環境，我覺得撐警或者藍嘅人太少，我都唔出嚟撐，就覺得佢哋好可憐。可能我正職都唔係做呢行，我做股票咋嘛，我自己無所謂，唔一定靠呢行搵飯食，我唔怕啦，死就死啦。」
討論環節僅7分32秒 朱庭萱佔近過半
朱庭萱不滿，斥有人對電視台作黃藍之分。她認為自反修例風波後，無綫遭扣顏色帽子，「TVB 就係藍，ViuTV 就係黃，點解呢？我自己唔覺，但覺人哋會咁樣將佢哋定位。」
今集的討論環節僅得7分32秒，朱庭萱佔較多時間，她又反問，「TVB 就一定係親中嘅，點解ViuTV 就係香港人嘅，其實點解要扣一個咁嘅帽子？」她不斷伸冤，指不少無綫藝人沒有顏色和立場，「只想做好份工」，但已被「TVB？不了！我打壓你。」
不滿網民派嬲令無綫藝人廣告流失
朱庭萱又斥責有網民針對無綫藝人，發動對其廣告商的 Facebook 專頁「派嬲」和投訴，「不斷鬧鬧鬧，搞到廣告唔敢返轉頭，就係不斷收到呢啲騷擾。點解要去到顏色打壓！」
盧覓雪認為，黃藍兩方同在承受相關打壓，「我唔覺得 ViuTV 係黃，我覺得任何一個傳媒都係中性，除咗《大公報》、《文匯報》，其他理論上都當佢中性咁睇。」她認為，無綫較多藝人撐警，自然被定型為藍，加上新聞取向、高層言論，並指向朱庭萱稱，「你嗰喳 TVB friend ⋯無理由撐警會黃啩？」
香港電台《視點31》截圖
為無綫新聞平反 朱庭萱質疑Now TV、有線縱容暴徒
她更欲替《無綫新聞》平反，稱平衡報導既影警察，又影暴徒，「俾啲暴徒話做咩影我哋大頭，你睇下 Now TV、有線，有嘢就扭歪嘅，究竟係縱容定中立嘅報導？」
朱庭萱早前留言「評論」MIRROR，「呢啲樣行落旺角大把啦，真係好大驚小怪囉。究竟咩叫靚仔有才華？內地歌手王一博、張藝興呢啲就係！成班井底之蛙。」
盧覓雪：娛樂節目講社會責任是多餘
在節目中，盧覓雪認為講社會責任是多餘，娛樂節目只提供娛樂，能令觀眾開心和追看，已能到達目的。她反問，社會責任是否要政治正確，和作政治表態。「呢啲係適得其反」。
朱庭萱表示同意盧的說法，稱娛樂性十分重要，「係咪娛樂到去無底線嘅位呢？我又覺得未必係。」她稱用「例子」，稱有 YouTube 影片教小朋友在跳起時，棘倒對方便會很好玩、很有趣，「但係又試過殘廢，呢個咪唔好訊息俾人。好娛樂，但有啲嘢係危險！」盧覓雪一度不明所以。
盧覓雪認為，領有免運電視牌照的電視台要遵守多項要求，一般所謂較低俗的節目，大多已作口頭式的家長警告，在播出時間亦會有考量。
該節目原定在視點31的 Facebook 專頁直播，廣播處處長李百全繼續發功，表明往後播出的節目均須由港台高層先作審視，今集節目便成為第一滴血，內容在審視後，在晚上八點半播出，並至九點二十分才能上載至視點31的 Facebook 專頁。