【獨媒報導】《立場新聞》昨日宣佈停運，住在黃大仙的阿偉和女朋友，晚上特意來了《立場新聞》的辦公室一趟，「想同佢哋（《立場》記者）講聲多謝」：「我哋睇咗咁耐（《立場》），如果佢哋（記者）唔一路努力，我哋冇得睇。」
以往是《蘋果日報》讀者，《蘋果》結束後又看多了《立場》，二人坦言早預料《立場》是下一個，「但冇諗過係今日」。
二人說，早上得知立場高層被捕、辦公室被搜查，朋友間一片嘩然。阿偉的女朋友心情未能平伏、好一段時間無法專心工作，於是重溫《立場》年末的回顧報道，看罷前一夜才刊出、收集港人心聲的〈2021，樹洞〉影片，即轉發給數十個朋友，不論政治立場：「我覺得咁係最尊重《立場》嘅形式，因為佢哋做出嚟就係希望畀更多人知道某啲事情。」
她形容，那段影片就像與大家並存，也是一種陪伴和鼓勵，「唔淨係話呢個就係好黑暗嘅年代啦，而係嘗試等大家諗吓點樣繼續行落去」。這也是他們親身來辦公室的原因：「可能並唔能夠做到啲乜嘢，但都係一種陪伴。」
阿偉女朋友續說，過去半年越來越多媒體被整頓與消失，只餘《立場》等少數可信的媒體，她每日都會看《立場》了解社會發生的事，「係我了解香港真實面貌嘅方式」。現時《立場》停運，她嘆恍如失去了個人與社會的連結，阿偉也說再難看到不受政府影響的媒體。阿偉女朋友認真地問記者：「我想知究竟我日後仲可以睇咩新聞？」
晚上時分，《立場》辦公室尚有不少員工未離去，徹夜傳來談笑聲。有人從中走近門口，隔着一道鐵閘，阿偉女朋友向他說：「辛苦晒，我以往每一日都差唔多會睇你哋嘅 news，好感謝你哋陪伴咗我哋咁耐，希望你哋一路行落去都可以自己搵到自己嘅路。」
