左起：Annie、Jamila、薯伯伯
（獨媒報導）《立場新聞》母公司、前總編輯鍾沛權及前署任總編輯林紹桐被控「串謀發布煽動刊物」罪，今（29日）下午於區域法院裁決，3名被告全部被判罪成。從早上起陸續有市民到法院地下排隊，當中有正在就讀新聞系的學生，她表示佩服鍾沛權在庭上「喺咁大壓力嘅情況下，都可以咁準確地講到覺得做新聞應該有的準則」，形容這些準則「好正常⋯⋯係學校學嘅嘢。」她表示至今仍會想入行，因學校的教育好像營造了一種希望，「覺得可能仲有啲空間可以做」，「未去到最壞吖，都仲有朋友一齊。」Annie認為，兩名被告是行內前輩，想跟他們說：「呢行仲會有人想做，唔係佢哋想像中咁灰。」
前立場博客薯伯伯亦有到場旁聽，他憶述自《立場》成立不久便任博客，編輯「冇任何篩選」，「你講得有紋有路，就寫成點都得」，嘆《立場》停運後，失去了渠道將大家相信的事情說出來。雖然有憂慮，但他不想完全不寫：「要諗點樣可以對得住自己、對得住自己嘅良心、對得住自己嘅讀者」。
《立場新聞》前總編輯鍾沛權
《立場新聞》前署任總編輯林紹桐
市民早上起到場排隊
從早上起陸續有市民到法院地下排隊，約10時起已有40多人，當中大部份人為中年人士，在場記者向他們提問，惟他們均不願發言。期間有市民當眾指稱其中一名中年女士為「排隊黨蛇頭」，該中年女士隨即激動說：「你唔好喺度搞事呀！」、「2019年仲搞唔掂呀？」、「成個法院都俾你搞亂」、「搞屎棍！」經在場保安調停後才平息。
社運人士雷玉蓮、浸大政治及國際關係學系副教授陳家洛、中大政政學院副教授周保松、資深傳媒人區家麟、初選47人案罪脫被告李予信、前立法會議員邵家臻及多國領事等亦有到場。
前立法會議員邵家臻
中大政政學院副教授周保松
初選47人案罪脫被告李予信
新聞系學生稱尊重鍾沛權在壓力下仍在庭上準確說出新聞準則
就讀中大新聞系三年級的Annie和就讀法律系的Jamila一同到場排隊。其中Annie 表示早上10時15分已開始排隊，她稱來旁聽是想「睇吓有冇排隊黨」，對於裁決結果，她笑稱：「唔係好敢諗，所以就索性唔諗。」她指以前認為《立場新聞》與其他媒體分別不大，「因為間間都係咁樣run」，而且「應該係咁樣run」，即是報導事實。
3年前得悉《立場》編輯被捕時，Annie 坦言「冇諗過咁樣都係一條罪名」，她感到早前的審訊「好似一場戲」，認為專訪政治人物、海外人士和評論文章都是「無錯」，對於鍾沛權在庭上的辯護，「我覺得，好respect佢（鍾沛權）就算喺庭上，喺咁大壓力嘅情況下，都可以咁準確地講到覺得做新聞應該有的準則。」她形容這些準則「好正常⋯⋯係學校學嘅嘢。」
新聞系學生想跟鍾沛權說「呢行仲會有人想做」、非想像中灰
兩名被告於2021年12月被捕及起訴，Annie 被問到為何於2022年仍然會選擇入讀新聞系，她解釋「新聞都有好多種」，除了政治外，亦有好多題材可以寫。她又指，學校的教育好像營造了一種希望，「啫係覺得可能仲有啲空間可以做」，加上有不少朋友，讓她感到「啫係都未去到最壞吖，都仲有朋友一齊。」她表示畢業後「應該會」入行，又指兩名被告算是行內的前輩，可能想多些後輩繼續入行，想跟他們說：「呢行仲會有人想做，唔係佢哋想像中咁灰⋯⋯可能佢都唔灰⋯⋯總之仲會有人做。」
前博客薯伯伯到場旁聽 憶《立場》無篩選
立場前博客作者薯伯伯今也有到庭旁聽，他說，案件是首宗被控煽動的傳媒案件，關乎新聞和言論自由，故特別關注。薯伯伯憶述，於《立場新聞》成立不久便獲邀擔任博客，《立場》會轉載其文章，「除咗執錯字之外就冇任何嘅篩選，總之佢覺得你講得有紋有路，就話我哋想寫成點都得」。
他續說，以往以為《立場》有很多博客，總編鍾沛權未必太認識他，但傾談間發覺鍾也有看他的文章，「好意想不到佢會咁認真」，自案件後與鍾交流，亦感覺他為人「好正直、真誠」。
嘆失公共討論空間 惟仍繼續寫作
薯伯伯有旁聽立場案大部分審訊，感覺就像上新聞課堂。庭上得悉鍾曾因營運困難而停薪和減薪，「覺得佢好真誠對待自己嘅工作」，聽到他說言論自由就如「信仰」，亦是印證他過去與立場的交流。薯伯伯很記得，庭上控方曾問《立場》刊物為何有一頁是黃色，他覺得煽動「要搵其實點都可以搵到，一隻顏色都可以係煽動」，但他反問：「當我好真誠咁相信自己所寫嘅嘢，而認為咁樣寫出嚟係對成個社會都有好處嘅時候，咁點可能係煽動呢？」
薯伯伯說，審訊過程就像「見證住香港好美好嘅年代」，《立場》、《蘋果》等停運後，他有時看新聞，也忍不住想以前的人會怎樣報導。雖然傳媒空間收緊，但薯伯伯覺得仍有人很努力做記者工作，「唔覺得好冇希望」。
失去了《立場》的平台，薯伯伯坦言覺得失去了公共討論的空間——以往有《立場》，「將你嘅聲音帶比唔同人，令大家相信嘅事情比較有個渠道去講出嚟；而家冇咗《立場》之後，有時都硬係覺得缺失咗呢個渠道」。但薯伯伯仍繼續寫作，他坦言也會有憂慮，寫作時盡量不會太觸碰某些人的神經，但他又不想完全不寫：「要諗點樣可以對得住自己、對得住自己嘅良心、對得住自己嘅讀者」。薯伯伯望告訴二人，對他們「念茲在茲」，正如今天有不少人到場，「心裡面成日都諗住佢兩位」。
自由記者對「只係做新聞」仍被控感震驚
自由身記者Carol說，對《立場》被控煽動感到很震驚，二人「只係做新聞啫」，卻要被捕被控，形容對媒體是很大衝擊，也是對整個行業的審訊。她一直有旁聽案件，認為鍾「好講到新聞專業做咩」，亦有很多啟發——「仲有人為自己嘅理念繼續堅持」，很仔細、不厭其煩地闡述自己想法。她笑言，雖然最後作用或不大，但這份記錄很重要，也是對公眾很好的教育。Carol認識鍾沛權、林紹桐多年，相信二人也已預計會罪成，知道舊煽動罪最高判刑兩年，她只希望二人可以「盡快出返嚟」。