居住於龍蟠苑的街坊華田（化名），於前日在大廈外發現一個從樹上意外掉下來的雀巢。探頭一看，巢內有兩隻未開眼的幼雛，可幸的是，兩隻BB仍然有呼吸。
華田懷著希望，希望幼雛雙親會飛回雀巢、繼續照顧兩隻BB。他用樹枝、樹葉將BB輕輕「撩」入巢内，再將雀巢放回樹上。由於沒有處理幼雛經驗，他亦在Facebook尋找有飼養雀鳥的朋友分享知識。
「係愛定係責任？」
華田昨日下班後，特意再去望探望兩隻BB。發現其中一隻「濕濕地」，有螞蟻在其上面爬行但已經沒有反應，而另一隻就仍然好活躍。華田由此推測BB雙親應該沒有飛回來照顧牠們，而且他在附近等待一段時間，亦沒有發現。
華田打電話到愛協「收雀」，職員亦老實地告知「收雀可以，但咁細隻雀仔拎到去嘉道理農場應該都係人道毁滅。」
「——係緣份呀——」
華田認為「既然咁都比我見到佢跌左出巢，都算係一種緣份，幫到底。」他同他的朋友積極在「香港救援鳩鴿及雀鳥情報區」發出帖文尋找協助，亦準備了針筒餵食蛋黃及水。又致電幾位朋友詢問自己應該如何照顧BB。幸運的是，BB生命力頑強，願意進食。
「谷友接手」
發帖文後數小時，一位有經驗的谷友自告奮勇説可以接走BB。華田認為由谷友照顧，BB生存率應該最大。谷友亦答應華田會告知BB的最新情況，「希望佢養得大」。
「BB取名Hope」
華田笑言「好老土地我幫隻雀起名做Hope，希望佢可以撐住啦。已經幫到盡啦。谷友屋企人都好緊張Hope，之後就睇佢生存意志。」
好可惜的是，華田今早收到谷友通知，Hope已經回到彩虹橋，谷友會找個花草地安葬牠。
《後記》
華田表示他自己亦有飼養寵物，習慣面對生死，明白生死有命，尤其是出世只有數天的幼雛，自己可以做的只有盡力提高牠們的生存率。經過今次經驗，希望下次遇到同類事件會處理得更好。他建議如果有需要，可以到其他Group尋找協助。如果大家遇到的是毛孩，可以聯絡「毛孩守護者」協助。
華田寄語「如果大家咁啱見到嘅就扶助下呢啲弱小嘅動物，隨時可以救翻佢地一條命。」
相片由華田提供