左起：大埔領隊葉志雄、大埔會長葉吳彬彬、盧卡斯、比迪高、大埔主教練李志堅
【獨媒報導】港隊在卡塔爾備戰亞洲盃決賽周，本地賽事馬不停蹄，周六在香港仔運動場上演菁英盃賽事，冠忠南區3:1擊敗大埔。大埔早前增兵，先簽入曾效力德甲球隊賀芬咸的巴西中場比迪高，再有盧卡斯從大馬回歸。不過，比迪高今場未有上陣，大埔主教練李志堅表示，希望讓對方先適應環境，並暗示其薪酬並非外界想像般高：「點解佢會嚟到呢度呢？絕對唔係我哋應該可以afford 嘅事，但最低限度佢宜家個人生生猛猛先。咁一定有啲嘢發生過㗎，係咪？佢宜家29歲。又賀芬咸又巴甲。我寧願prefer 係慢慢嚟。」
大埔「大搞」？ 李志堅笑言「可能爭前四囉」
另外，《獨媒》關注大埔是否「大搞」，目標是否仍然以聯賽前五為目標。主教練李志堅表明不是，並笑稱：「可能爭前四囉，講真⋯⋯真心呀！我又唔可以大膽同你講爭冠軍，但菁英盃你宜家有機會，梗係盡力去爭取，入咗四強先啦。聯賽我哋輸咗兩場呢，仲有機會爭前啲。」
大埔目前在港超聯排第五，在簽入比迪高、盧卡斯後，球隊的外援數字已達到雙位數。被問到班費是否有所增加，李志堅稱亦有球員離隊：「嗱，咁講，數字嚟嘅啫，會多啲啲囉，但坦白講唔係嗰樣嘢，一定唔係突然之間變咗巨型班。」他又慨嘆現時全球經濟不景，指薪酬固然重要，但新加盟的外援球員亦有其個人考量。
盧卡斯重投大埔因情意結 李志堅：有球隊開出更好條件
現年29歲的比迪高在巴甲球隊甘美奧出道，在2013年轉投德甲球隊賀芬咸，但三年間未獲上陣機會，其後輾轉效力巴西不同球隊，早前已完成註冊，但今場未有上陣。
「堅Sir」有感而發稱，比迪高的名氣較大，球隊對他有一定期望：「佢選擇過嚟，但肯定就唔係話我哋能夠出到好好嘅條件，係可能有好多個諗法。喺我哋立場都係有啲期望，你搵佢返嚟嘅時候，一定都會check 咗好多數據，或者搵咗好多人，知道佢之前個背景，但點解佢會嚟到呢度呢？絕對唔係我哋應該可以afford 嘅事，但最低限度佢而家個人生生猛猛先。咁一定有啲嘢發生過㗎，係咪？佢宜家29歲。又賀芬咸又巴甲。我寧願prefer 係慢慢嚟。」
至於再次簽入盧卡斯，李志堅則指對方曾有亮麗成績表，但年紀已漸大，重投大埔因為有很大的情意結。 「堅Sir」更透露，有球隊向盧卡斯開出更好條件，但對方念及在南華失意後，獲機會在大埔重生，所以金錢並非首要，而且其在馬來西亞的表現不錯，惟在傷癒復出後未有入球，亦不獲續約：「所以大家一定要清楚，正所謂未必有咁大隻蛤乸隨街跳，但係你去理解囉，係嘛？」
南區年輕球員掛帥 大埔「六鬼拍門」
南區今場正選共有5名U22球員，包括守門員顏翱天、趙聡悟、陳潤潼、容昊及陳傲軒，新加盟的兩屆澳門足球先生積遜同正選登場。大埔今場盡用外援名額「六鬼拍門」，馬卡雷拿、謝臣、卡朗、馬高斯山度士、加比爾及雷仙奴，並續由林志基把守最後一關。
上半場10分鐘，大埔未能成功解圍積遜門前一腳搞掂，替南區先開紀錄領先1:0。32分鐘，陳凱柏左路似傳非傳，似射非射，皮球中柱彈出，積遜補中，馬高斯山度士護空門，南區半場領先一球。
加比爾一度追近 陳潤潼取今季開齋波
下半場換邊，「綠戰士」未見起色，組織更顯得乏力。56分鐘，佐佐木周趁門前一片混亂篤入，南區再下一城領先到2:0。63分鐘，雷仙奴右路開角球，加比爾頂入，為大埔追近一球。不過，南區整體仍佔優，72分鐘，川瀨浩太送前予佐佐木周，後者撥橫給後上陳潤潼。陳潤潼左腳射入，為南區奠定勝局，最終3:1取勝。
今場入場人數351，陳潤潼成為今場最佳球員，該入球亦是其今季的首個入球。陳潤潼在賽後承認，季初一度未能適應球隊踢法，但現時已感覺還好，期望稍後能在港超聯取得更多上陣機會。
兩屆澳門足球先生 積遜：為南區爭更高聯賽排名
積遜是連續兩屆的澳門足球先生，他在賽後與妻子及女兒合照。對於在地標戰取得入球，積遜稱對能夠取得入球感到高興，更稱「我每場都想入波」，指更重要是球隊取得勝利。
《獨媒》問到港澳兩地足球的水平差距，積遜就認為香港足球的水平較高，來港是要證明有力在高水平的賽事競技。他表示，希望能夠為南區爭取更高的聯賽排名，並奪得盃賽冠軍。
李志堅承認球隊表現欠理想 南區年輕球員發揮較佳
在輸波後，大埔菁英盃A組仍位列首名。不過，大埔主教練李志堅表示球隊表現欠理想，「有時都要退後一步去理解佢哋，可能相對宜家競爭大咗，有啲諗法、有壓力呀，各樣嘢都會出現，預期地有機會發生嘅事情。」
此外，大埔今場有多名球員因病缺陣，「堅Sir」在賽後指南區的年輕球員發揮較佳，並承認大埔今季未有安排年輕球員上場，需要負一定責任：「我哋季初唔係話好大壓力要點樣，有得贏就梗係要做好少少，加埋老闆又咁有心，問洗唔洗請啲人嚟幫你，我梗係想啦。」
記者：麥馬高、周頌謙