今日(11月14日)係一年一度o既"青年高峰會",先要簡介一下
青年高峰會係由青年事務委員會搞o既
無錯,即係蔡元雲o個個呢
青年高峰會最主要係希望畀青年人一個機會
同o的官提出一o的青年政策上o既意見,要求o的官回應
但係今日真係令我好失望,詳情如下:
今早有董特首與十一個青年人真情對話
問題係o個十一個已經係一早定o左
更加係懶晒代表唔同區域而行出o黎,真係非常難睇
我都唔知各位青年人有咩資格話自己係代表某個區域
好啦,問o的問題又唔到肉,好容易畀董特遊走o左
對話完之後董特就急住走啦,好似就係為o左o黎做台戲咁
跟住就話要成立青年論壇,有個儀式舉行,台上就話係個好渠道
畀青年人發表聲音影響社會,但係我眼中成立青年論壇
(即前身為青年議會)根本就係一個政治吸納o既過程
你估o的青年人透過青年論壇講o野畀個官聽,個官會回應你咩
加上又冇青年人o既基礎,注定失敗
之後仲勁,下午分o左三個部份進行
每個部份三十分鐘,頭o個十分鐘係用o黎匯報上午小組討論結果
報完會有二十至三十分鐘可以畀台上下對話
o個陣就會請o的局長上台坐,然後就成場做個對話
頭個一個部份(講傳媒)已經好有問題
o的嘉賓係咁話青年人唔主動,嫌悶,所以做唔到o的咩
又話其實傳媒已開放渠道畀青年人(好似係薇言大志咁)
跟住台下回應啦,青年人講o左少少之後就話要收工
呢個時候就有個女仔(舉o左好耐手)即時o係後排彈起身
大聲話"我有o野講!!!",頃刻全場掌聲如雷
之後佢質疑薇言大志咁早有冇青年人聽
第二部份講政制喎,我就係第二部份上o左台坐
(懶晒溫馨咁坐sofa,我仲要坐林公公隔離,佢握我手,我爭o的縮)
我以為坐o左o係個台上就實有機會講啦,咁就等啦
點知呢,台下問完問題台上回應,跟住台下就有個我以前o既同事
大大聲爭o野講,話有兩個南亞朋友想講o野,咁就畀佢爭到
然後林公公先用英文回應,後用中文講,講講下又推銷政策
(即係o個個咩二十萬o個舊o野)然後主持先知唔對路
開始逐個起身諗住force佢停,你知啦,公公喎,話咁易停咩
好啦,最搞笑係,公公講完啦,主持就即刻話完啦
咁我就一粒聲都冇出過問題冇問過之下落o左台
我當下嬲到震,好震驚所謂青年高峰會原來係一回咁o既事
我上去o既目的,原來係做佈景板,陪o的局長做show!!!!!!!!!!!!!
我攪o左咁耐青年組織,今次真係好丟臉,亦都好火滾!!
覺得好似被玩弄於股掌咁
跟住就到第三部份講教育,仲多台下發言
大家簡直係彈晒起身咁想講o野,係咁舉手
呢個時候waterivy即時寫o左張大字,寫住"我想講"
跟住就即刻衝出去舉起,我跟住去一齊舉
冇幾耐全場嘩然我o地o既行為,但可笑是主持好似見唔到
(睇佢個樣想避多過真係見唔到)
我即時無名火起,因為我覺得成個會唔respect青年人
佢繼續揀人講o野,無視我存在我就等佢揀人o個陣
大聲叫"唔係掛,我舉o左好耐啦喎!!!"
場地開始注視我啦,主持都冇得避,之後畀o左我講
我講o左我對教育諮詢o既質疑後,暗串埋成個youth summit
跟本就唔夠時間,但係點解唔攪多幾日呢,咁係咪有誠意聽呢?
講完之後我仲要求佢好認真咁答我呢個問題,之後就執o野走
即時杯葛會議,跟住我都唔知發生咩事之下完o左個議
今日成個感覺好差,好強烈覺得社會仍然唔尊重青年聲音
連特首話聽青年聲音o個陣,都要加多句:"可能青年意見唔係o岩"
同埋聽見社會不斷怪責青年唔夠主動,怪青年冇心參與社會
我o地有個討論組員講得好o岩,填鴨教育又點培養主動?!
而且o的官或者社會人士會有好大量o既機會
佔用大量公共時間去講政策講諗法,台下青年就要爭住講o野
甚至要大嗌先有人理,好諷刺,亦都好可悲
我諗
我從此會每年入青年高峰會舉一次banner
民間記者 小生
另waterivy於論壇版有另一現場報導, 歡迎留言