西九下集之以和為貴
「肥龍，咁樣做唔多妥，班細睇到唔多好，第日好易出事。」
「你理得我咁多，宜家阿公支旗係我大佬手，之前話事果個，全世界都知佢係老超捧出黎，咁又叫公平？」
「但你臨時又改入線費計法，又要人夾定條大數，我話唔公道！」
「呢樣我唔理，總之果時話事人係華弟，依家係我大佬補胎哥話事。佢話改就改。」
「肥龍，呢單野一路都係補胎跟，咁多對眼有邊對睇唔見？」
「阿華田，你同阿糖係老朋，梗係咁講啦。」
「咁係唔公道就唔公道啦，一早要人劃定圖不特止，仲要迫人加乜鬼水晶燈，做娛樂事業都麻煩過人。最賤係人都知壇野最後實去左老超度，如果唔係搏有水位走，我駛咁辛苦？計我話，最好重頭黎過。」
「車，以家人地夠講左對分啦，雖然做就係我地做，但係阿公講左我地第時要分一半牛丸魚旦出黎，你仲想點？」
「我點知你分咩場比我，到時你響街頭散完貨，仲要分個死角比我賣貨尾我實死得啦，計我話，一句到尾，分過。」
「好！一拍兩散就一拍兩散，橫豎又唔係第一單，之前馬交釘單野都係一樣。橫豎錢又係你地比，我無所謂。總之一句，宜家係你地玩野唔跟大圍。出到去唔該口密D，邊個爆出去即係同我大佬過唔去，以後無運行。」
＊本片榮獲中國百花金雞兩台聯頒大獎最佳原創劇本提名＊