17/1 高等法院
＊ ＊ ＊
陳慶偉法官判黃之鋒、黃浩銘佔旺罪成入獄。及至尾聲，庭上有婆婆哭喊：「我要真普選！」
她再朝陳官叫喊：「還返真普選畀我！」
陳官凝視了她好一會，才正式宣布休庭，押後審理能否保釋。
婆婆的叫喊惹來一陣騷動。離開法庭後，公眾都勸婆婆冷靜，法官可即場召警拘捕。
但王婆婆不為所動。「我已經預左。」
「我忍唔到。我預左坐監，法官可以告我藐視法庭，唔緊要。」
「我唔熟政治，我冇識影響力，我唔知有咩可以做。。。」
她直言時下年輕人「嬌生慣養」，尤其是機不離手，沒有手機一日已很難捱。
但她說自己根本不愛用手機。而且身體愈來愈差，不清楚還有幾年命，所以坐監對她而言沒所謂。
她解釋在傘運時已曾為民主留守被捕，但政府「特登放左我地，專揀啲後生仔去告。」
「我真係做唔到啲咩。。。我希望提個官，我地係為公民抗命出嚟架！」
「個政權成日話佢啱，佢怕咩面對群眾，一人一票公平地投票？」
「係公平呀！唔係私利！我地唔係反對派，我地要公平呀！」
「我地爭取嘅嘢好簡單啫，就係公平嘅真普選。點解條路咁慢長。。。」
「冇真普選，法治根本唔可以維持，早已經冧檔。真普選係我唯一嘅願望，冇其他。」