12/6 - 21/6 在抗爭中的中學生們
＊ ＊ ＊
在反送中運動偶爾會見到中學生。兩名中三和中五的學生，平生首次見識催淚彈，但依然留下。「而家未到最嚴重嘅時候。。。如果實施左修例，香港就冇哂自由。」
因為中學正值考試期，通常只須在上午回校。若干學生放學後穿著校服逕赴集會。「唔想被引渡番大陸。。。想保住自由。」
在 621 包圍警總集會，中四生「金魚」端坐在警總正門的招牌下。為了響應不合作運動，她選擇在當日罷課，只去應試和對卷，其餘時間在圖書館自修，已獲學校接納。
由始至終只三四名同學參與罷課。「同學比較少關注依件事。我地好盡力話畀同學知，可惜反應唔多，但多啲人關注我地已經好開心。」
她明白當日集會名義上並不合法，屬於抗命。「首先如果通過左修例，我地仲可以點樣表達政見？後果一定比依次非法集會嚴重。」
「就算真係要拉我都好，如果多一個人支持 － 唔係多一個唔多少一個唔少 － 我覺得多一個人已經好多。如果每個人都抱住少我一個冇所謂嘅心態，今日唔會有咁多人。所以我決定即使冒險都要企出嚟。」
在金鐘往灣仔的路上，兩名中學生劉同學和朱同學坐在路中央。「傘下爸媽」的 Charlie 發現她倆，贈予兩張單程飛，叮嚀她們小心免露痕跡。
原來 Charlie 早已準備多張單程飛傍身。「佢咁細個已經知道自己應得嘅權利，卻要苦苦爭取，我要守護佢地免受風險。」
推動她們投身運動的一大原因是身份：「因為我地係香港人。」
＊ ＊ ＊
（621 民眾包圍警總，在外牆留下種種指控。）