題為編輯所擬。
話說學生會ocamp，其中一個環節結束後，我負責收拾場地。因為不想勞煩工友，所以自己將一堆垃圾倒進垃圾袋裡，然後拖拉至垃圾房（因為實在拿不起…）。結果垃圾袋卻穿了，垃圾瀉滿一地，只好去工友室再借垃圾袋，在等候期間工友室內卻有以下對話。
男工友：喂你地後日去唔去個遊行呀？
女工友A：遊行！係咪九點半架？
女工友B：唔係呀，好似係十一點半定一點半架個個
女工友A：咁我剩係去幾個鐘得唔得架？有幾錢收既先！
男工友：無錢收架，義工黎架。
女工友A：無錢？講笑咩，少個仙我都唔去呀！
女工友B：三十五蚊一粒鐘我都唔黎啦，計我話起碼要五十蚊呀！
女工友A：即係有幾錢姐喂！
男工友：無錢收架！不過有車馬費，三百蚊囉。
女工友A：扯咁咪即係有錢，又呃人無錢，無錢搵鬼去咩！
然後他們發現了我。
女工友A：咦靚仔！係度做咩呀？
我：借垃圾袋呀。
女工友A：垃圾袋？一個定兩個先？
我：一個就夠架喇。
女工友A：但係我地呢度買一送一架喎，借一個就比多個你！
女工友B：嘩咁好，咁你有無女朋友介紹下比靚仔呀，買一送一架喎要！靚仔你快D問下人啦！
我：哈哈唔駛喇……
最後她們給了三個垃圾袋我。
她們是香港人，也是最典型的香港人，而我相信，她們都是善良的人。然而，一個善良的人，在三百元面前，卻選擇了做邪惡的事。也許是因為三百元對她們來是很重要，也許是她們比我更明明三百元所代表的勞動、血汗，也許是她們不知道這三百元所買起的是香港的未來，也許是她們不知道這三百元背後是無數的劉曉波、胡佳、陳光誠、高智晟……但她們雖然只是網絡世界中的一個小故事、一種少數，卻是現實世界的大多數，就在我們每一天生活的附近。罵她們是港豬、鄉愿，或者能把她們排除出我們的世界之外。但她們確切地能令我感受到平庸之惡的可怕、恐佈。