（獨媒特約報導）警察晚上在荃灣楊屋道進行清場行動，更一度開槍。「霸氣哥」在眾安街的防暴警察防線前，對警員講道理。他斥責警察連月來對著市民的頭開槍，更有30人被捕後被打至骨折，「幾時先識反省」。
「霸氣哥」指警方已違反國際規例，指「人哋嘅痛苦你感唔感受到呀，你係咪想殺人？你開真槍射我喇咁」。「霸氣哥」又指，今日有警員家屬集會，「連你哋屋企人都行出嚟」，更反問警員有否就暴力清場作反省。
在「對話」期間，有一名防暴警察用強光照射「霸氣哥」及記者，有警員更反駁「霸氣哥」的言論，指「大把警察入咗醫院喇」。其他在場民眾則指，「黑警睇假新聞睇上腦」。「霸氣哥」隨後痛斥反駁的警員，指他們拿著致命武器，平民和記者能怎樣威脅他們，更問「你哋知唔知咩係六四」，指殺人的警察將會受到歷史的審判。
在對峙期間，有街坊鼓躁指，「我估你一定冇警嫂，你溝唔倒女」、「你哋150年嘅聲譽去哂邊呀」、「暴力係由2014年你哋射催淚彈開始㗎」等。有警員持咪要求街坊保持冷靜「唔好叫囂」，街坊回應「我大聲講嘢唔代表我唔冷靜」。另外，有警員持續以強光照射記者鏡頭，發出「噓」的聲音及指「你哋選擇性失明」。
記者：周頌謙、何嘉茵、湯璧瑜