一聽陳冠希呢個名，大家一定係諗起「嗰件事」、係渣男、食完一件接一件。跟住就諗起某報館放大呀嬌落淚嘅相：我好天真好傻......仲有張栢芝等等，縱然陳冠希勁出名，大概無人會話係佢fans。
「啲相del左架喇喎，係部腦壞左要拎去整，邊個知啲相會流出架啫？無人想架」、「最慘係佢地被受害、被認錯」明明男歡女愛，你情我願，藝人都係人啫，你係床上都成日影佢相喇，ps唔除3又有咩好睇喎。陳冠希又唔係特登嘅，相反整電腦嗰條友喺邊度？唔知道。
你覺得花fit有罪無罪都好，一個藝人花fit，係咪就代表佢演戲唔好？一個工程佬花fit，你又會唔會因為咁而話佢整水喉唔好？喺香港黃金時代，我地都有個人好花fit：佢叫黃霑。
「人人常歡笑，不要眼淚掉」、「既是男兒當自強，哈！」、「既是同舟在獅子山下且共濟，拋售區分求共對」......黃霑寫下不朽名句，佢嘅才華無人質疑，而佢鹹濕都鹹到出曬面，成日口花花撩女仔（女人）。
美國都有條友好花fit：日日新聞都見到佢。香港係個文明開放嘅社會，居然連花fit呢樣野都容納唔到，我地香港人每朝爬起身，就係搵邊個係仆街，不停批鬥人。
有時候真係種社會病態，如果淨係識得批評人地，我地只會愈來愈少人才。
鹹濕啫，犯法呀？唔鹹濕就無性交、絕子絕孫，人口銳減，最後種族滅絕喇，所以鹹濕係人嘅天性，縱使大家都明白無咩事唔好整部電腦。
《不文集》當中黃霑說：「為真小人爭取社會地位，不肯讓偽君子們霸佔。」，很多人滿口仁義禮智、禮儀廉恥，呢班偽君子淨係識批鬥，對社會毫無建樹，而班真小人可能衰鹹濕，就被封殺、才華被埋沒。
要進步，我地或者首先要接受男人係鹹濕呢個天性。
嗌返句小弟嘅口號：
麥浚龍嘅歌、崑南寫散文、黃子華棟篤笑；
情色文化無處不在，最重要係，佢在你腦海。