莫雷諾冰川 (Perito Moreno Glacier)，屬於世上比較容易遊覽的其中一個冰川。它位於阿根廷的南部，Pantagonia內最熱門嘅一個景點之一。遊人只需要由埃爾卡拉法特 (El Calafate)坐兩個多小時車再轉船便可到達。
我們參加了Mini－Trekking的一日團, 即是體驗式咁行下呢個冰川。其實早於三十幾年前，應該不用坐兩小時車就到，只是近十年來這個冰川越來越細，越縮越遠，越退越後，冰川漸漸地消失⋯⋯。點解？溫室效應囉！情況嚴重到連冰川附近都出現樹木！人類真的需要更注重環保，請大家一起更愛惜這個地球啦！
Mini-Trekking全程大約行一個半至兩個小時左右，短短的旅程但好開心呀! 唔會走得太累但又可以體驗到冰川嘅壯觀，沿路上只要跟住個Guide的指示，不要走散，因為你唔知邊個位的冰是可行的。有D冰薄到透明咁，折射出來嘅顏色真係好靚，深藍，淺藍，湖水藍，形狀各有不同，再一次令我體會到大自然自身強大的創造力。
另外冰川流出來的水是無污染，好乾淨！我們都試飲了呢！
看到最近的新聞，令我們想到有些簡單基本的需求，如潔淨可安全飲用的清水也不是必然的，一些看似必然的東西可能會在我們的香港漸漸地消失⋯⋯有時在旅行那一刻你可能只懂開開心心的玩樂，但當回家後發生了一些事又會勾起你的經歷而令你有一點感觸。
黃心遊世界
www.facebook.com/yellowsumtravel
我們是一個集旅遊，攝影和文化探索的網路媒體，歡迎你進入我地既世界，一同感受我們對旅遊的熱愛！ 夢想不是空談，去實踐吧！