張相入邊嘅紅底白字，係喺香港特別行政區一篇小學課文度節錄出來嘅；
課題來自中共八股「偉大嘅的領袖/導師/舵手」，通常係用來歌頌一黨專政嘅領袖嘅；
省略號後面嗰個「唉」字，後面係個感嘆號，引出「伟大的妈妈」「煩死人」嘅罪狀：
第一單：「千篇一律的吩咐」，啲細路仔要照單全收，冇諮詢討論同埋討價還價嘅餘地；
第二單：「天天千篇一律的吩咐」，攞埋晒嗰啲乜嘢創意同革新都冇嘅教條共訓示，日日疲勞轟炸；
第三單：「妈妈打骂我是为我好」，體罰加精神虐殺，係文明世界「普世價值」唔可以包容嘅；
第四單：「她把希望都寄托在我身上」，「托」係「託」嘅「同音別字」，錯字一個；將個人希望寄「托喺」細路仔身上，除咗加重啲心肝寶貝嘅精神負擔，仲剝奪咗佢地自主自決嘅自由，更加侵犯咗人人天賦平等嘅人權；
第五單：「而我卻不用功，不是使她失望嗎」？為幼小嘅心靈烤上罪疚感嘅烙印！
如果讀完成篇課文，睇怕入面包含嘅虐兒罪行，就真嘅罄竹難書喇！