今日睇新聞話今次立法會補選，新民黨陳家珮支持者收入兩極化，低收入及高收入之港島人有較高比例投票俾建制派。中等收入之市民則較多支持民主派。呢個現象好有趣，值得諗諗、研究。
從筆者自己多次助選以及同街坊市民接觸傾談嘅親身經驗，建制派有阿爺源源不絕提供資源，有錢有人，亦可動員大量唔知晌邊度嚟同講唔同方言嘅大叔大嬸去助選，再加上一啲「惡屎能登」之大漢、八婆用盡所有「門」字部首之粗口去咒罵非建制派，開口話你漢奸、港獨，埋口問候你娘親祖宗十八代。呢班人就係幫建制派助選同煽風點火嘅主力，非常下賤、卑劣、really bad taste。
其實投咗票俾阿 Judy Chan 嘅富貴朋友們，你哋知唔知佢係乜料? 一個話自己晌澳洲讀書美國做嘢嘅南區區議員，但係就連簡單英文都講唔掂。除咗靠葉劉同所有建制權貴力捧外，佢自己實力又有幾多? 我只見到其助選團就以一班近似「義和團」同「黑社會」嘅人羣做主力。I am so sorry, this is terribly bad taste. 就算富貴朋友覺得只要支持共產黨就會發大達兼大把著數，唔想反對派「攪攪震」，所以票投建制派，但係呢個選擇同富貴嘅你身份實在格格不入，有損斯文。其實，你哋對香港實際情況又有幾了解? 不如得閒唔好剩係留晌中環、半山、山頂、淺水灣，weekend 就只會去會所打波食飯飲酒，多啲落地去了解吓真實嘅香港社會，你就可能有唔同嘅啟發，遠離選舉 bad taste。
至於基層市民，我只能講佢哋資訊有限，終日為口奔馳，根本冇時間去理解同分析，亦只能人云亦云，順服權貴去生存。一邊被社會權貴無形剝削，一邊又只能去支持有權貴撐腰、到處插旗嘅候選人。實在好陰公。
筆者係個香港土生土長嘅普通中產「港燦」，當然又唔富貴但亦餓唔死。我極討厭家長式專制、獨裁、霸權、一言堂、有錢大晒，公就我嬴字就你輸。 我愛錢，但更愛自由、民主、多元、平等、真正法治。人生除咗錢同吃喝玩樂外，仲有好多好嘢值得追求，包括做個有思想有靈性嘅自由人，鋤強扶弱。我永遠只會支持民主派! 奉勸各位張開眼睛，多啲了解社會實況，遠離建制 bad taste！
阿灰
新民黨陳家珮支持者收入兩極化，在部份入息中位數少於2萬元屋邨、入息逾4萬元的渣甸山和司徒拔道，得票率均超過50%，在月入6、7萬的海灣及山頂，支持率更破60%，但就得不到收入介乎2萬至4萬元選民青睞。
圖片來源：蘋果日報
思言財雋 Financier Conscience
[email protected]