每當聽你地一提到人網MYRADIO,任生就聽到有D葡萄味.其實都唔係乜大不了.大家做電台想有個比較,視為兢爭對手好正常.
但有時我會諗點解人網個影響力會咁大.民台就比較略遜一籌呢?
係咪因為單係資源的問題呢?作為一個論政及時事節目其實的士佬係比商台的情朗仲有水準.佢把握到客觀事實,個人觀點同埋情緒發洩的平衡.反觀軒仔同SIMONLEE 真係好多時係情緒發洩同對個人的攻擊.事實描述,同論據比較單薄.
另外有關對任生搏上鏡,出風頭仲有選民力量追擊民主黨,民協的指責.如果一個人想從政的話,就要去公開宣傳自己.俾公眾選民認識.所以搏上鏡基本上係政治人物必需要做的.係咪佢做得出色可以引起話題同注視就成為罪名呢?點解大家都係參與社會運動,點解有D人出名D,多D人識就會受到其他社運人仕攻擊話佢搏出位呢?
另外選民力量追擊民主黨民協,大家濫炒鬥氣就係幼稚呢?
正如你地所講,個區選仲有成年.佢地係咪一定濫炒無機會當選呢?如果真心相信民主的話,點解要批評其他人去參選?結果只係表達到你地其實都唔係對選民無信心.唔相信選民的決定.
泛民各黨派最大的共識係爭取真普選.但民主黨同民協通過左一個令普選倒退,功能組別合理化的方案.咁樣仲唔同佢畫清界線的話,仲當佢地係民主派先係幼稚.
而且,係選民力量去追擊.並唔會分薄社民連區選的資源.所以SIMON LEE無理由去批評其他人去參選.其至人地係為左輸而參選.
另外對任生辭任行委一職的指控為玩玩下,兒戲.哩D指控同五區公投時反對者的指控有乜分別??
當然我對鹵味男,任生,毓民無正面回應你地有D失望.
但希望你地評論時,少D情緒發洩,多D論點,就選係個人觀點都好.
為免引起罵戰,亦唔想你以為我係AI 人所以唔公開POST係你個WALL.但希望你可以轉發俾SIMON LEE同埋軒仔睇.
祝你地收聽率節節上升.抗名成功走出地面.
http://www.citizensradio.org/index.php?option=com_phocadownload&view=cat...
.