好多時政府講o既同事實係兩回事。
一）
政府話：「因為人口老化，所以輸入移民。」
事實係：「因為想輸入移民，所以話人口老化。」
其實，人口老化，係應該鼓勵生育。點解香港人唔想生呀？因為香港的福利同教育都太唔掂，越來越恐怖。好多香港人看不見孩子的將來，就為生命負責任而唔生。
二）
政府話：「政改投反對票就係『普選殺手』。」
事實係：「諮詢」兩隻字本身就係指收集意見的過程，諮詢對象本身就係可以支持、反對同俾意見。
其實，咁多諮詢對象同時反對一個方案，即係個方案好有問題，需要反省啦，點會仲硬銷？呢d唔叫諮詢，係叫做表面功夫，扮諮詢。
同埋，你建議個普選係假架，如果話：「政改投反對票就係『假普選殺手』。」成句句子就會o岩哂。
三）
政府話：「幼稚園學生放學冇人湊，所以要延長幼稚園全日性服務」
我唔知點解幼稚園已經要提供性服務。
但係幼稚園學生放學冇人湊，係因為香港人工時過長呀，係因為就算係雙職父母都賺唔夠生活呀，何況仲有單親、假單親甚至無親家庭，加上福利配套不足，呢d先係原因。
四）
五）
六）
七）
八）
……
一百）
唉，大家自己數。
（圖片取自TIME）