（獨媒特約報導）距離立法會九龍西補選投票不足一個月，選舉氣氛並不熱烈，上星期有關李卓人的新聞，更只有宣傳車的司機衝紅燈。立法會議員區諾軒現時情況形容是「前所未有咁急」，他連續兩晚到油尖旺區內商店和「三不管」的地方貼海報，希望能令更多街坊看到李卓人的宣傳，「條街有多啲宣傳，先會有士氣」。
立法會大會昨晚辯論要求當局交代不向香港外國記者會副主席馬凱續發工作簽證的議案，在休會前尚未完成辯論。區諾軒剛「收工」，馬不停蹄便到達李卓人位於旺角的競選總部，拿了200張海報到區內張貼。
區諾軒在3月的立法會港島補選中擊敗新民黨陳家珮，相比之下，他認為今次事態嚴重，指近日的焦點明顯不在補選，傳媒亦沒有太多的關注。「好多人唔知要投票，其實我貼海報有乜大不了？記者會關心我去貼海報，即係真係無新聞啦，目光應該放喺候選人身上。」
「建制派貼邊我哋貼邊，呢啲係地區智慧。」區諾軒一向熟悉區選的區份，他對記者如數家珍，「尋晚走咗五區，大角咀南、大角咀北、大南、櫻桃同南昌南，但得大南有貼多少少。」他邊說邊搖頭，多番強調「真係要貼海報」，而且要盡最大努力「拜舖」，力爭東主允許張貼。
「搣咗咪再貼囉，三個禮拜後就投票了。」區諾軒昨晚和朋友沿著砵蘭街、上海街、油麻地果欄，再殺入民建聯油尖旺區議會主席葉傲冬的地頭，儘管排檔盡是陳凱欣的海報，但「拜舖」的效果卻出奇地好，有少數族裔的店舖東主更主動用膠紙貼上李卓人的宣傳海報。
「好像《戰爭論》入面講的行軍要道咁，船堅炮利當然重要，但精神面貌同樣重要。即係如果成條街都係陳凱欣的海報，民主派選民士氣會很低落，條街有返啲李卓人（海報），咁先有更大的投票理由嘛。」
區諾軒認為，必須讓社區看到選舉的宣傳，「要令人有印象，先會知道有得揀，咁先係選舉」。他又透露在3月競選時，灣仔有茶餐廳地讓他張貼海報，自己事後去感謝了東主。「你知唔知，如果人哋唔貼建制，而俾你貼，個感覺好好，要努力點發掘這些店舖。」
「馬凱事件都話唔關新聞自由？你係咩傳媒人？」區諾軒批評建制派在立法會內「也文也武」，不需要多一個沒有主見和是非不分的人進入議會。他嘆道，這大半年來在議會的時間都是困難的，因為經歷了不少黑暗日子。
民主派在立法會修改《議事規則》前，要求成立公屋及居屋商場及停車場事宜小組委員會，爭取回購領展，但委員會轉眼便要走到盡頭。「林健鋒做主席喎，話我同范國威講唔到邊十個商場又會拆售，成件事咁就完咗。你班人唔想開咪無開囉，想收工咪收工囉，無阻住真係做嘢嗰啲人囉。」
「果欄入面啲人可以提名特首，真係成個範圍都有票嫁。」區諾軒在2016年立法會換屆選舉曾參選功能組別，從批發及零售界的經驗中，他學會寸土必爭，「唔問就唔知道有這些可能。」記者和他邊走邊做訪問，說時遲那時快，又在一間煲仔飯食店成功達陣。「即係兩軍對時，要俾人知道你有我都要有，咁選民先才知道係有得揀，先能夠有分野。」
「巡舖」工程最後由晚上十點貼到十二點，從油麻地南到佐敦南，足足貼了百多張海報，務求和陳凱欣分庭抗禮。區諾軒去了平時常去的食店，又去了少數族裔所開的士多和餐廳，以後者最為友善，「民主的光有幾何照到這裡呢？我無以為報，只可以俾到卡片佢哋，有事一定盡力幫。」
九龍西補選其他候選人包括伍廸希、馮檢基及曾麗文。
記者：麥馬高