除庶民按：蘋果日報呢個報導都算扺死，如果記者的觀察屬實，都可以講係呢幾年內最真係值得高興0既消息。呢幾年來，大家一齊都鬧老懵董，其實好唔0岩，你鬧政治領導可以，但唔應係因為佢老而懵。老0既人應該尊敬，懵0既人應該同情，0岩唔0岩？查實老董做得咁差，係佢背後有班政治巫師響庶成日作法落藥，打小報告。今次睇來係老共出手治土共，早排個鄒哲開motorola，就見到土共不穩跡象，0尼幾日文大兩報，都係死狗一樣，睇來土共今勻都係日子有限......
---------------------------------------------
香港市民對特首董建華提早下台感到意外，但消息在本地左派圈子引起的震盪更為劇烈，有傳統左派人士坦言，圈內幾乎無人得悉任何先兆，更令他們震驚的是，左派至今仍未能確實掌握中央意向，憂慮傳統親中人士從此失勢。有學者認為，中央始終要利用左派拉攏基層市民，不會完全放棄左派，但反映胡、溫掌政後對港政策有新思維，「北京日後可能會盡量擴大戰線，傳統左派影響力可能相對下降。」
董建華提早下台事出突然，不少親北京政界人士近日不是三緘其口，就是前言不對後語。一名資深左派工會人士向本報稱，不少平日能「直通天庭」的本地左派領導人，這次未能洞悉先機，他形容目前圈內氣氛沉重，不少人憂慮北京對本地左派有新政策，「前年『七一』五十萬人上街之後，我哋已經深入檢討，但董生落台咁大件事，我哋都毫不知情，好多人都擔心究竟發生咗乜事？」
江澤民淡出 人脈待重建
一名親北京政界人士表示，今次事件對本地親北京陣營最少做成兩大震撼，第一是今次胡、溫拍板更換特首，顯示前國家主席江澤民在北京政界影響力已淡出，也難以像當年鄧小平一樣大搞「垂簾聽政」，商界及政界過去多年在內地建立的人脈關係隨時宣告失效，「今次本地親北京政黨同政界人物完全收唔到風，消息傳出後重有人繼續挺董，家重驚緊第日有事要向邊條線打聽。」
公務員治港 不要執政黨
另一震撼則令左派不安，事關不少親北京政界人士均曾在北京「篤背脊」批評曾蔭權，力數他種種不是，阻礙董施政，特別是曾被董派去負責清潔香港工作，以及第一次『七一』大遊行後，不少人曾想將董施政失誤的責任推卸給曾蔭權，現在曾卻獲中央重用，「佢哋好驚曾蔭權會報復，又怕當日係咁挺董，原來中央一早已經唔妥董建華，自己就成為董派，日後中央唔再信佢哋。」
事實上，今次事件後，民建聯及自由黨正重新評估北京對他們的看法。有港區人大代表更不諱言，兩黨主席馬力及田北俊應該「清醒」，「中央用番公務員治港，即係話仍然唔想香港有執政黨，就算係民建聯執政都唔想，民建聯唔好再幻想可以入主政府；至於自由黨，佢哋要清楚知道二十三條（立法）嗰單嘢北京冇忘記過，所以田少話○八年退休唔做主席，相信係知道自己政途到此為止。」
嶺南大學政治及社會學系副教授王耀宗認為，中央不讓本地左派先獲消息，顯示領導人對他們「有新嘅睇法」，「香港問題愈嚟愈嚴重，左派肯定有責任，而破格起用曾蔭權，更表明中央已放棄對「港英餘孽」嘅猜疑，北京日後可能會盡量擴大戰線，傳統左派影響力可能相對下降。」
中文大學政治與行政學系高級導師蔡子強指出，曾蔭權日後與傳統親中人士的合作關係，端視他能否以政治手腕平衡各方利益，「過去曾蔭權同自由黨、民主黨合作較好，但相信佢第日唔會側埋一邊，會畀左派參與一齊玩。」
記者：羅偉光 莫劍弦
蘋果日報