一年一度嘅呀姐生日又黎啦，大家真係好似清明燒衣紙咁燒野比呀姐，嘩，呀姐個位真係好似清明節個山墳咁，鋪滿祭品。
送完禮物，請完食飯，仲要夾張A3 size生日卡，仲要個個好似「情心說話未曾講」咁寫咁多，只係留返個小小空隙比我，我點同呀姐表達「愛意」。
好彩，我識用小學「痴張工作紙係本簿度」個招，今次冇死啦。
「祝你早登極…」，金翅仆街鳥，我已經塗左兩層塗改液，再照燈檢查。都係揭去紙背面，塗多層買個保險啦。
呀姐真係呀姐，口裡說不，pair手又好誠實地接過禮物再開心大笑…今晚唔使OT 啦掛。
圖文原載於姐死姐還在Facebook專頁。