平機會就「歧視條例檢討」的公眾諮詢已開始左個幾月，「將香港居民或移民身份列入《種族歧視條例》，為新移民及遊客提供理想的法律保障」，呢樣野真係聽到都火燒心。
我從來都無歧視大陸人，我係鄙視大陸人姐。歧視係不平等看待；而鄙視係有誘因，令我睇唔起佢地。
我係忍唔住要鄙視你：（又話我針對一兩個大陸人，唔係得我一個時運低，撞到醜陋的大陸人架，大陸人係好似7仔咁，無處不在呀……）
我真係唔想……
- 搭MTR 再次有大陸人從後用雙手頂住我個腎臟。
- Lunchtime 食飯行出公司，比D 自由行用個行李輾過我對鞋。
- 去屈人寺買野，見到有班大陸女人著裙又露哂底咁打開個gip 執奶粉。
- 去MK 打個白鴿轉吉串魚蛋，又見到大陸人再次抱起佢珍貴的細路痾金，我咀嚼緊架大佬。
- 去迪迪尼或者海浪公園，見到「一名大陸人」代表佢祖宗18代排係我前面，打我尖。
「我真係怕左你地呀……」
前年我去青島出trip，其中一個行程係參觀青島個XX 樂園， XX 樂園引入左隻北極熊， D 大陸人不停抱起佢地珍貴的細路，教佢地痴左線咁拍打北極熊館的玻璃，以得到北極熊的注意。絕對唔需要心理專家，都可以證實隻熊係懷上抑鬱症，長期有班精神失常的人拍打住自己間屋塊玻璃。同一時間，班企鵝都比班大陸人搞到好似飲醉酒咁，行唔到直線。當我參觀個時，我係聽得明D 動物叫咩架，佢地係大叫：「救我呀……好X 恐怖呀班大陸人」
係咪好心寒？因為我覺得香港人真係好似隻北極熊，日日都比D 大陸人迫害，日日都處於痴線同就痴線之間。
「這個世界最壞罪名」必定係歧視大陸人呢個罪名……
好啦，的確有D 大陸人無犯任何錯，佢地會指摘我地笑佢，歧視佢。冤枉呀，我地唔係歧視你呀，笑下唔比咩，咁好笑點忍呀大佬…
「純粹笑下你，唔係歧視你」的例子：
- 我有個朋友的朋友去踢波，入左球，佢就好有型咁用件衫笠住個頭，再成個身鏟落草地慶祝。奇妙的事情就發生，佢pair LIN相繼鏟甩左，佢狀甚痛楚，最後call白車急救，佢好番之後，冇左pair LIN。我絕對絕對，可以對住燈火發誓我唔會歧視佢冇LIN，但我絕對絕對有笑佢。
- 前排SAMMI演衝上雲霄電影版，D網民問佢飾演咩角色，有人答：「應該係機場新個條第3條跑道」。同樣，我真係無歧視SAMMI的身材，我只係覺得個網民好賤，但真係好好笑。
同樣地，大陸人有時真係好好笑呀，唔係歧視你呀，笑下唔比咩…
- TBB個沒女呀銀話香港人笑佢D廣東話，其實我地真係笑下架渣，都冇針對大陸人，正如崔世安講普通話，點忍到唔笑呀。
- 大學時期，S同學去迪迪尼做暑期工，有大陸人問迪迪尼入邊架火車係唔係去邊都唔洗錢？S同學答係呀。大陸人就指住架迪迪尼火車追問：「那去羅湖也不用錢？」，想笑死人咩。
- 你見到大陸D游泳池，鋪滿哂人，好似MK D咖哩魚蛋咁浮下浮下，仲繼續落水齊齊迫，點會唔笑呀。
PS. 大陸人犯錯，我地鄙視佢，又係我地錯。我地笑下佢，又係我地錯。而家大陸人係唔係玻璃做架，佢地R 著數打橫行個時又唔見佢地咁脆弱，下下都話人地歧視佢，不如返火星啦。
原載於姐死姐還在facebook專頁