今期飲食男女提及一個民間故事,
話說番禺有個農婦,
死左老公,
依習俗捧住砂盆到河邊為亡夫「買水」,
遇上橋頭有人叫賣禾蟲,
寡婦聽到,
急急潑掉手上嘅水,
用砂盆來載新鮮買回來嘅禾蟲。
村民怪責寡婦涼薄,
想不到她竟反唇相稽:
「老公死,
老公生,
禾蟲過造恨唔番!!」,
嘩!
幾禪!!
「生」就借頭借勢單挑「死」,
一個過背摔就甩到對手「死」埋一面,
哈哈哈哈哈,
真係大快人心!!
佛陀也單挑過一次剛喪子嘅女人,
叫她逐家逐戶問有否家人從未死過嘅家族,
如果有,
他就幫佢嘅仔死而復生,
後來當女人發覺家家都家屬謝禮過之後,
就明白「死亡」是難以避免,
非她一人之苦而釋懷。
不過,
以理反省嘅招數邊有「食禾蟲」咁短兵相接呀?
太斯文太說教,
食禾蟲隻古仔就唔同喇!!
直隊你人類口舌之慾,
即使你說婦人只是為生計,
都絕!!
人為糊口,
為搵食!!
你「死」開啦!!!
哈哈哈哈,
直接到死!!
一招了,
你都未知乜事就落左台啦,
講野!!
愈來愈覺得民間智慧有不可思議之處,
難怪那天民間課老師話,
請神嚟睇神功戲就打鑼打鼓,
送佢返去就水靜河飛,
班人類學研究精英完全抓破頭!!
即係點?
喂!!
食卡樂b,
千祈咪問幾點呀!!
民間智慧,
你地班扭橫折曲嘅學究點春明呀!!
丟低個腦,
食兜禾蟲至講啦!!
