世界盃外圍賽又到喇，必要回帶吓2014年世界盃外圍賽港隊光輝戰積及成就，當年港隊雖然兩回合計畀西亞無敵過氣勁旅沙地阿拉伯以八比零淘汰，不過香港卻勇奪最少入場人數亞洲區總亞軍。
首回合港隊己經落後三球，喺所謂主流球迷眼中至係波嘅英超挑戰盃撞期下被終極WFC，又加上普遍球迷已經認為港隊出咗局未打首回合都已經自輸打埋更輸，最重要賽事於同巴布亞一樣咁難去嘅小西灣運動場舉行，都仲有1,402位球迷入場支持，真係好難得，但亦係呢1,402位仆街搞到香港無法勇奪最少入場人數亞洲區總冠軍。
當足總及高層知道2014年世界盃外圍賽亞洲區第二輪抽中同沙地阿拉伯對決後，對其之認真態度有幾高心照啦，即使搵咗大馬打場友賽先，但大戰來臨曾經只有10人出席操練，做出黎嘅嘢真係可以趕走成檯客，或者管理者都選擇留返啲錢去大球場睇車仔好過，港隊？是鳩旦啦理得佢閪崩啦得個輸字有鳩人睇咩淨係羸波至係波啊好似係。
提到留返啲錢，2018年世界盃外圍賽，幾日後即係6月11日港隊先係主場對不丹(WFC)，16日在對馬爾代夫(Super WFC)，每場票價130蚊，2場就260蚊，有球迷就話咁短時間要畀260蚊真係好撚貴喎加埋食飯車錢400都黎啦。屌那媽，畀個錢都鳩嗡一大輪，你地知唔知劉鳴煒的成功之道係乜？
「睇少啲戲、去少啲日本」咪可以睇多幾場波咯好似係！劉鳴煒都話做人要識得「犧牲」，覺得貴咪今日起餐餐食撈麵仲要生食煤氣費都慳返，肚餓就去公廁飲水，返工放工唔好搭車行返屋企，去少啲日本城啦好心就。