今年集合多位國腳嘅印尼足球勁旅Persib Bandung（萬隆隊）雖然成積一般只位列印錦A積分榜中游位置，但暫時都係印尼最吸金嘅球隊，因為有龐大嘅球迷群，即使今年平均入場人數不足二萬，但好多球隊產品都好賣錢，因此搵返嚟嘅贊助商都幾勁，其中一個贊助商就係INDOFOOD（營多食品）。營多食品上賽季已經贊助萬隆隊，今年一月宣佈繼續同萬隆隊合作，而營多食品最出名嘅食品就係Indomie Mi Goreng（營多撈麵），呢種撈麵以價廉質優聞名海外，喺香港非常受歡迎，因此有香港人會叫印尼做「營多國」。
而萬隆隊同營多食品合作後，當然會幫營多食品宣傳下其下食品，所以萬隆隊正選門將I Made Wirawan（華拉雲）勇救「營多撈麵」呢類低能內容係必須出現，萬隆隊官方twitter及facebook亦間中會hard sell營多撈麵及營多食品其下產品，包括Pop Mie杯麵、Sarimi泡麵、Supermi撈麵、Indomilk牛奶等，但以營多撈麵最深入民心。
雖然營多撈麵喺印尼係一種好多地方都有售賣嘅即食麵，係窮人救星，但食得太多都係唔掂，所以愈嚟愈多有經濟條件嘅印尼人只擋營多撈麵係零食而非正餐，不過營多食品能夠成為萬隆隊嘅贊助商，營多撈麵能夠與華拉雲融為一體，對於萬隆隊職球員及萬隆隊球迷嚟講，都算係一種光榮，因為呢個品牌完全能夠代表印尼，的確係喎，喺香港一提到印尼呢兩隻字，一係令人聯想到營多撈麵、蝦片、女傭，再唔係就係排華，營多撈麵雖然冇咩營養，但又平又好味，成為唔少香港人精神食糧，都叫印尼最成功嘅發明及輸出品之一。