柬埔寨足球雖然長期做東南亞魚腩，但國家隊戰績差並不影響球迷入場意慾，首戰新加坡就吸引咗63,000名球迷入場，雖然輸波，但難得柬埔寨足球重現久違的火爆。
雖然係東南亞足球魚腩，但柬埔寨擁有自己嘅職業聯賽Cambodian League(C League)，日本方面都有幫手支援柬埔寨之職業足球聯賽發展，不難找到日本企業進註柬埔寨足球界內，因此C League都有唔少日本球員身影。
雖然有自己嘅職業聯賽，但現時睇埋青訓，相信柬埔寨足球於短期內都難以擺脫東南亞魚腩之命，睇黎柬埔寨足球距離成功之路都幾遙遠。
眼見汶萊、老撾甚至東帝汶足球都有明顯嘅進步，於2012年柬埔寨足總開始仿傚菲律賓及東帝汶向海外出生之血統球員埋手試圖加強國家隊實力，其中前鋒Chhunly Pagenburg(柏根貝治)係首位柬埔寨歸化兵，柏根貝治於德國出生，係德柬混血兒，2005年加盟德國甲組球會紐倫堡，06-07賽季由預備隊提升上一隊正式開始其德甲生涯，該季柏根貝治共上陣10次並於4月14日對亞琛射入德甲生涯第一球，但隨後幾個賽季一直後備居多，2008年短暫轉投另一支德甲球會1860慕尼黑，依然無法取得更多機會，2008年尾決定轉投加盟德國丙組球會紅白埃爾福特，2011年在轉投西南部賽區(第四級)球會特里爾，2013年正式加盟法蘭克福。
但今年2月，FSV法蘭克福宣佈同意終止柏根貝治之合約，慢性骶髂關節炎迫使呢位由低組別打返上德乙嘅柬埔寨球員提早退役，結果柏根貝治為柬埔寨上陣一次就玩完了。
柏根貝治退役，柬埔寨足協暫時唔會搵血統球員，現時得要繼續靠晒自己友，9月對手係「恩人」日本，仲要作客，真係唔知點打喇。