以前講起碧咸，可能好多球迷都會好不屑：「條友淨係識射罰球同傳中，佢唔係靚仔真係唔會咁高成就。」
但當你望到已經退咗役成6年嘅碧咸，佢嘅傳中依然不減威力，準繩度甚至仲好過現役陣中任何一位曼聯球員，你先發現原來精於可能只係「傳中」咁普通嘅事都唔係咁容易，當中可能係要經歷無數次沉悶而又機械式嘅訓練，至可以將一樣普通嘅事發揮到極致，每一次用都可以變成必殺技。
「我踢過幾千甚至幾萬個罰球，我會去公園練波，把皮球放在地上，瞄準對面小社區上窗口的電線。爸爸收工回家，我們會一起去踢波，他會自願扮演人牆站在龍門和我之間，強逼我一定要彎過他射入龍門。」
「別人眼中或許覺得我們有點傻，但我們會一直練到日落。自從進入曼聯一線隊後，這種練習更成為家常便飯，每天訓練結束後，我都會自覺加練……」
曾經睇過一份報導講有位攝影師用「特別勤奮的一隻豬嚟形容碧咸」：
「這個人如果長傳和自由球很準確的，沒別的辦法，只有靠勤學苦練，他每天會比別人多練。從天分上來講，他確實是一隻豬。」
碧咸嘅足球天賦未必係全世界最Top，但至少佢用勤奮嘅方式令自己攀上高峰，令全世界嘅人都唔止淨係記得佢嘅靚仔樣，仲有佢嗰隻仲靚過用手擺個波入網角嘅黃金右腳。
題為編輯所擬