題為編輯所擬
今日去左坪洲，參與有關渡輪服務的居民會，當中出席發言者，一面倒反對港九小輪提出單一船種，認為渡輪服務沒有改善仲要借機加幅加價，實屬無理，亦都剥奪基層市民的選擇權，明白運輸署真正聽到居民的聲音。
簡單總結，居民期望保留快慢船種，有一個便宜船種可以選擇，但必須更換慢船的設備及改善環境衛生問題。
就著以上的情況，我覺得運輸署唔應該係只得一個方案，叫居民一係食，一係唔食，梗硬食左，船費貴左，唔食就繼續捱差的服務，以及繼續製造快慢船兩邊的對立，運輸署需要提供第二、第三個方案，讓居民可以選擇，與及凝聚更多的共識呢？
例如，居民就提出更換慢船，既改善服務，亦讓居民有選擇。
最後，就係政策問題，渡輪服務表面上係開放自由市場投標，但實際根本係無競爭，甚至可能幾間大的船公司「圍圍喂」傾掂就各自投標，政府仲要不斷資助／補貼船公司的利潤。
其實現在政府要計埋算船公司有利潤先做，擔心無人投標，點解政府自己唔做呢？其實如果由政府做，唔使做到有利潤，只要做到收支平衡就足夠，居民的負擔一定較現在少一些。
只要政府肯承擔多一些，船公司就唔會有持無恐咁加價而又唔改善服務，有勇氣對船公司講，「你做得唔好，就我政府來做返呢？」
鳴謝坪洲街坊Addie幫我影相
原刊於作者面書專頁