買餸送啲乜？
原來買餸有好多嘢送架！唔信？睇睇！
是次城市博物館邀請了兩位主婦，請她們於其習慣的購物點各自就以下幾個小菜購買食材。
菜單:
蕃茄炒蛋
清炒菜心
蝦仁蒸釀豆腐
(展覽見圖)
購於街市(土瓜灣街市)
購物者：草根阿婆：
依家時勢最緊要慳，要貨比三家。平靚正就最好啦！
點解幫襯街市？幫襯咗好多年囉…邊間舖頭平、邊個老板好人，我都知。你幫襯開，啲老板會俾啲靚貨你架！
買$63
海蝦 雞蛋 菜心 豆腐 蔥 薑 蕃茄
送(餸)6件
膠袋x2 膠袋 膠袋 膠袋 膠袋
購於超市(尖沙咀CITYSUPER)
購物者：辦公室女郎：
買餸最緊要快捷、乾淨、衞生。食物安全好重要，你知依家啦，點知食咗啲乜嘢落肚架。
間超市就喺公司樓下，食lunch或者放工落去買，好方便。而且有label，來源、成分、到期日都清清楚楚。
買$146.9
去殼海虎蝦 巴斯德(低溫殺菌技術)雞蛋 有機菜心 博多屋絹豆腐 中國蔥 空運到港美國有機薑 馬來西亞天然埋肥日式蕃茄
送(餸)45件
膠袋 保鮮紙X2 膠盆 盛冰膠袋 冰 價格標籤
贈品 膠袋 宣傳單張
包裝紙 包裝盒 宣傳單張 內蓋
膠袋 資料標籤x6
膠袋 膠盒 封口膠膜 價格標籤
保鮮紙X2 膠紙 價格標籤
膠袋 膠紙 資料標籤x2 價格標籤
保鮮紙X2 膠盆 資料標籤x2價格標籤
(隨袋附送) 贈閱食譜 贈閱通訊 單據 膠紙 膠袋
本展覽所展示的，是於不同購物點買餸所消耗的額外資源。
現在，各大超級市場、及至其他不同的店舖，都紛紛鼓勵消費者自備購物袋。我們這樣做，能減低多少資源損耗？
作為消費者，我們可以怎樣進一步節省資源、減少不必要的浪費？
作為店家，除了宣揚消費者的環保責任外，自身可以有更多的行動嗎？
策展：呂文珊 設計：黃可恩 攝影：黃國榮
(本展覽另一稍微不同的版本刊2009年4月19日明報星期日生活城市博物版)