D好有哲理嘅人成日同人講:
「恐懼係大腦嘅把戲。」,
嘿,
講得懶有邏輯同洞見咁,
扮哂野。
鬼唔望佢三更半夜畀鬼蓆,
睇佢仲講唔講得出更加有哲理嘅說話。
驚,
係人之常情,
雖然你可以又好有哲理咁講:
「除左人,世上再冇其他禽獸自己嚇自己嘅。」,
但我係情不自禁自己嚇自己喔,
你估我想嘅咩?
不過,
好多人都唔明白,
驚,
就要講出嚟!!
唔係一邊驚一邊仲要扮哂鎮定,
咁唔單止對身體唔好,
仲好冇禮貌。
你一定問,
唔係講出嚟至冇禮貌咩?
嗱,
講到呢度,
又涉及一個我地根深柢固嘅錯誤觀念,
就係好多中國人嘅壞習慣,
孤寒自己唔孤寒人。
禮貌就對外唔對內。
喂.
對人有禮貌啱,
不過對自己都要有禮貌,
驚,
就要喊出嚟,
咁先至係對自己有禮貌!!
喊驚!!
將心裡面嘅感覺爆嚮口!!
係好有家教嘅做法,
除左對自己有禮貌,
仲可以對警覺性低,
唔識得驚嘅人提出警號!!
「有鬼,好驚呀!!」,
「火燭,好驚呀!!」,
「生老病死好驚呀!!」,
「冇一人一票,好驚呀!!」,
咁樣,
你除左有家教,
仲分分鐘救人一命。
跟我講一次:「我好驚呀。」,
咁就有家教喇。
你睇,
毓民就好有家教喇!!
長毛就好有家教喇!!
凱迪就好有家教喇!!
文道就好有家教喇!!
達多就好有家教喇!!
個問米婆就好有家教喇!!
如果你仲係習慣驚都唔Q喊出嚟,
遊緊行都靜蠅蠅唔識喊驚,
咁呢個壞習慣就要改啦喇!!
(「你唔"善"我"善"公民教育基金」忠告全球華人之三)