署理發展局局長馬紹祥：（指村民家園）「果啲土地係政府嘅官地。」
馬屎埔村村民：「四叔幾時變左政府？」
馬紹祥，其實，如果你唔識，不如就收聲？
佢話，
1. 「對於財委會無足夠時間討論問題表示遺憾」
→ 唔洗遺憾喎 ! 個會未開完0架，你唔知0架咩 ? 6月13 ，立法會見啦！
2. 「新界東北相關土地是官地，並非居民擁有」
→ 咁呀，點解政府要用400億來收回土地？而且絕大部份，都係入地產商、原居民，同埋炒地人如陳茂波（個親戚）袋喎！
→ 政府又點解要用咩「加強版傳統模式」呀 ? 做乜要比地產商原址換地呀？
→ 馬紹祥，你訓醒未呀？？係咪傻0架？
→ 其實政府自己的文件，早於2008就寫明，區內6成土地係私人土地，而只有4成係官地囉，唔該。
→ 順手講埋，村民大部份係租戶，只有少數村民擁有自家土地。租戶方面，有租用官地，也有租用私人土地。私地地主包括地產商、原居民、陳茂波親戚（泛指炒賣土地的人）。
3.「 政府會按現有機制作賠償，但由於對方的要求多於機制準則，當局需要研究。」
→ 村民的要求就是「不遷不拆，撤回計劃」，這的確是超越 (也無關) 政府的所謂賠償，歡迎佢承諾「當局需要研究」，即係研究「撤回計劃」，對嗎？
其實你講呢啲，無非為合理化政府毀人家園改建豪宅。但這是什麼理由？
如果你真係要講法理，全香港土地的確都是官地，包括你屋企和我屋企，除非你住在中環的聖約翰座堂，那是香港唯一以永久業權形式持有的土地。因為香港係行 leasehold system，所謂買賣土地，都係買賣一定年期內的使用權，批租人和終極大地主就係政府。（所以咪可以條例強拍你，強收你囉。）
馬紹祥，如果你係講呢個定義的話，你屋企相關土地都係官地，並非由你擁有。這是否一個可以合理化拆你屋企的原因？唔係丫嘛！咁唔係你又講？有冇帶腦呢？
btw，佢月薪係港元21萬幾。
by by the way，其實土地不屬於任何人。是地球上所有的生命體，包括我們的後代，共同需要和依存、安身立命之所。
報道：
1. RTHK 馬紹祥：遺憾立會無足夠時間討論東北撥款
2. 有線：馬紹祥稱理解新界居民家園感情
題為編輯所擬。