立法會財委會工務小組委員會星期三早上審議造價17億的「元朗長城」明渠行人天橋系統。本專頁星期一晚發起元朗友聯署叫停項目，24小時內聯署人數已達到1000，絕大部分是元朗友。朱凱廸和其他質疑項目的立法會議員，將於明早於工務小組會議上和支持項目的議員據理力爭。
元朗團隊成員今日在明渠一帶與居民和商戶傾談，當然少不了被粗口問候，指摘我們阻住地球轉。有藥房老闆說我們不是元朗人，係元朗人就會想元朗興旺，起多啲基建好，話我地「為搵食埋沒良心」。
但更多途人並不了解項目內容，在講解後認同應該先叫停「元朗長城」設計，改為採納更慳錢、更照顧通風和景觀，而同樣有效疏導行人的建築師學會方案。
明渠旁邊的受訪商戶大多對區議會和政府強行推展「元朗長城」十分無奈，一來擔心工程後人流減少，短期內更憂慮工程令他們難以營商。但人在江湖，身不由己，也不便高調站出來發聲。
有開業不久食肆老闆指：「吓！租舖時冇人話我知會起呢條橋，到時打樁沙塵滾滾點算？現在咪幾好！我屯門舊舖業主加租被逼走，點知嚟到元朗又係咁，條行人天橋係俾地產商sell樓用之嘛。」另一間小食店負責人說：「一早知道呢單工程，因為路政署探土時出過信俾我。我地小市民邊有權講鍾意定唔鍾意，你地講的反對理由我認同，但簽個名有用咩？」
支持興建的元朗友很多是抱着「有好過冇」的傳統智慧，但他們未必知道：（1）「元朗長城」是整體造價最貴，也是每米造價最貴的行人天橋（每米330萬）；（2）「元朗長城」的地基最深達地底90米，是天橋高度的9倍。價錢貴到離晒地，如果再將天橋對元朗環境帶來的負面影響也算進來，一加一減，元朗社區可能得不償失。
資深建築師解端泰分析過路政署的設計，他認為「元朗長城」最浪費的部分是一共建6組「電梯、扶手梯、樓梯和斜道」，「起咁多部升降機讓人上落幾米高，一來expect人企定定等升降機已經夠奇怪，二來每部升降機前還要加輪椅斜道。地面行人路本來已經擠迫，但為了一條「掛名」疏導行人的天橋竟然要咁多輪椅斜道，令地面行人路更窄。就算整體數字上可以減少擠塞，這也是個非常笨的建議！」
解端泰亦提到，很多政府建築師和規劃師私下都反對「元朗長城」，渠務署本已有方案改善河道景觀，是路政署一意孤行蓋長蛇行人橋。另一邊廂，環保署眼白白看着工程阻礙通風和景觀，增加了熱島效應，將來元朗熱上加熱，卻沒有人出來說過半句，也是難辭其咎。