我係一個中產，或者有人所稱的港豬，呢幾年香港變得越來越唔好住，唔同人喺度嘈嘈吵吵，拗呢拗路，你要鬥邊個DQ﹐邊個下台，Who Cares! 落咗台又點，有社會問題改善唔到有鬼用。
身邊的朋友如果公司安排到，都轉去其地方工作，為咩嘢唧，咪就係住好D｡
香港最重要係咩嘢問題，係住得唔好呀。咩嘢土地短缺，置業，我地要住呀，我D 朋友搬去外國咪又係租，有錢時租大D，冇錢時租細D﹐做咩迫人買樓！
咩嘢揾地起樓增多供應，大家買的會平D﹐呃鬼咩，你試下喺夜晚走去圓方，望下樓上，十室九空，你起幾多咪又喺俾境外投資買哂來擺！解決到住屋問題咩？
個政府成日話唔好將D野政治化，仆街啦，最政治化就係呢個政府，鬥來鬥去，而唔理香港人關心D咩嘢，條On9仔去FCC講港獨邊Q有人理，你個政府講咁多嘢做咩嘢，有罪咪啦Q咗佢囉，就算佢有槍有炮又點，唔通政府覺得警察解放軍攪佢唔掂咩？
我D朋友最關心D咩嘢，唔係住就係錢，高鐵﹑港珠澳﹑沙中綫﹑三跑係咪大白象我唔識分，我諗點都有D用。仆街，超支我都諗住忍你，你老味！件件都偷工減料豆腐渣工程，一陣有咩意外政府賠錢咪又係來自我地D納稅人！
稅你就年年收我，你個19政府可唔可以好似追DQ議員D錢咁出力，同香港人向D 仆街承建商追討賠償，唔係佢起得唔好條數叫我地納稅填。
你問我西九補選投邊個，偷步有冇問題？邊個冇偷步，你點選我真係唔理你，我見到你係做野提議D嘢攪掂以上住錢問題先問我攞票，鬧我唔識鬧咩，洗選你！