每年都要鬧既糯米糍檔，絕對可以作為「發財不立品零社會責任」既表表姐，連續三年都掉低哂一盤盤蒸好既糯米糍同所有生財工具既佢地，今年會唔會連續四年奪冠？（因為呢個檔，筆者個人會極力鼓勵身邊人去到年宵都唔好食糯米糍）
＊＊＊
一年容易又新年，即係就到每年「垃圾盛事」出場既時候 － 花市 ( 其實唔係好明究竟臨近新一年開始已經製造個幾百公噸既垃圾係咩好兆頭… Any肥)，而呢個page既admin＆ friends，每年年初一半夜三更有覺唔訓，而選擇係零晨拖住疲憊既身驅，去到各區既花市由檔販開始收工個刻去到食環工人掃場前既個短短數小時，擸齊架餐將有用物資「逐樣執、盡量救 」。
講真，新一年第一日就要做呢個活動真係令人十級沮喪，一入場見到每個垃圾桶都充斥住大量即棄餐具同包裝已經夠折磨，但係最痛苦既，莫過於見到一個二個仆街檔販係新年前搵夠賺夠之後，就將佢地成個攤位大至marquee傢俬，小至食物文具，甚至乎係賣剩既貨尾都全部原封不動掉哂係度。平時大家係度鬧d大商家做生意賺盡一分一毫，毫無「社會責任」既同時，自己做生意既時候咪又係以佢地為「榜樣」。大家既潛台詞都係：「社會責任」？我理得你，總之我就搵夠架啦，我羅住疊銀紙就走，所有後續既處理，咪由大眾社會 （即係由大家夾錢幫佢處理垃圾，以及一班清潔工要係短時間內幫佢地執場）幫我黎承擔囉～
每年咁樣幫呢班仆街執手尾，我地真心激氣，攪到每年都爛住口咁同大家開年 （但又要鬧又要繼續每年死死地氣幫手執，呢班人為環境就黎思覺失調，好病態）。今年，我地決定先君子後小人，我地上年其實影低左部份賺完錢拍拍蘿柚就走既攤檔，俾佢地知道someone is watching you，唔好以為亂咁掉垃圾可以毫無後果，如果今年你地繼續有擺檔，情況亦都完全毫無改善，請恕我地每年都會將你地既「事蹟」傳頌落去 （由其是每年賣糯米糍個攤檔，你地連續三年將十幾底蒸好哂既糯米糍、未用既糖同粉仲有所有架餐掉哂係度，令我地第一日已經用左一年既粗口量）。而如果去花市既市民都睇呢d情況睇唔過眼，我地請大家運用消費者力量，去杯葛呢堆不知所謂既商家，用你既錢去支持真係賺錢之餘亦都顧及環境同清潔工既良心商家，否則，呢個咁仆街既賺錢方式只會每年不斷重演，直到永遠。
上年我地有成員令環保署開放綠在區區，等救物資既有心朋友執到既有用物件可以暫存係綠在區區，有需要既市民可以過去隨便羅隨便用。而今年部份年宵場地亦落實左一d環保措施，真係有心想改善既檔販 （以及市民）都可以留意返：
1. 麻煩你地點樣黎，就點樣走，即使你真係無能為力帶唔走，都麻煩你地稍移玉步，係4凌晨4:00 - 朝早8:00將剩餘既有用物資放到維多利亞公園既兩個資源回收角 (仲有其他6個年宵公園都有類似措施，有進一步詳情再話大家知)
2. 今年多左木卡板回收，有用木卡板既朋友麻煩將你塊板移除哂木以外既物料先好放過去
3. 善用場地既回收設施，其實每年年宵後都真係有回收商會運走回收物去返自己場地再分類，懇請大家將所有回收物都清清楚楚咁放返係唔同位置（BTW，嚴重警告所有患上分類及垃圾回收物認知障礙症既市民，病發既話唔好再行近個回收箱度，所有污穢既餐具食物殘渣等等只能放到垃圾桶，新一年做下好事積下福，唔好等回收工作人員白做一場，以及浪費其他有心回收人士既心血）
4. 場地既垃圾真係多到不得之了... 只要你套餐具唔係十幾公斤重，我地強烈建議大家自備餐具去年宵
5. 即使你懶到一個點唔想自備餐具，羅左套即棄既牒同餐具，亦都可以keep多陣食其他野食 (即棄餐具唔洗真係「即刻棄置」，查實名黎架jei，大家無需要咁認真，keep住支叉同碗裝完燒賣再裝魚蛋亦得！得左！）
今年呢個page既admin ＆ frds有個卑微的新年願望：求下大家唔好再令我地今年要爛住口咁過年，飛滋都生多幾粒，但求可以開開心心平心靜氣去迎接環保新一年。
＊＊＊
我地再望一望其他有份掉傢俬回收物廢物等等既檔攤……（排名不分先後）
代表界別分別有：中學界、大學界同商界
賣剩貨物隨處棄之：
民主黨地區工作選集…慘慘豬俾人一堆堆咁遺棄哂係地下
食得既野唔在講…
呢D大鐵樽應該係賣汽球？既檔攤淨低… 罐上既signage講到佢加熱有機會爆炸，掉到落堆填區係咪有機會炸爛左個堆填區？？？？？？？？其實呢d應該點樣處理，有無人可以俾d意見~~~~~~
落花 (葉) 不是無情物，化作春泥更護花…只係佢遇上既係無情既人類，令佢地只能化為垃圾
上年維他奶俾人發現有一大堆維他奶工衣掉哂係地…其實維多利亞公園現場都有一大堆維他奶小型水馬放左係場地直到完場…唔知維他奶今年又會點呢？
（圖credit：錦綉花園區議員杜嘉倫）
賣剩貨物隨處棄之：
其實大家真係唔洗買，去到最後完場，大家可以慢慢執
其實…去到幾時開始，連傢俬都變左即棄？
呢個場地掉出黎既傢俬分分鐘俾大家砌到十個宜室宜居出黎
大部份賣花既攡檔基本上所有木枱等等都唔會執返走
掉marquee係呢個場地都已經變成日常事
而有心既朋友就不停密密拆，救得一個得一個
大家係咪指責檔主浪費鬧得好high呢？我地望下市民方面又做成點？好好地一個回收桶，哈，唔洗一陣就被人插到成個桶都開哂花，怪政府做回收做得唔好，質疑d回收物係咪真係有人回收既同時，大家有無好好地反省過自己做過d乜？有無諗過點解部份既野真係需要掉去垃圾桶? 鬧都鬧到口臭，不過，鬧完又點，聽日花市開幕悲劇只會再次重演，哈哈。
其實維他奶樽係可以按樽的…有朋友有一年羅哂人地掉出黎既樽去按，賺左百幾蚊
善用場地既回收設施，其實每年年宵後都真係有回收商會運走回收物去返自己場地再分類，懇請大家將所有回收物都清清楚楚咁放返係唔同位置（BTW，嚴重警告所有患上分類及垃圾回收物認知障礙症既市民，病發既話唔好再行近個回收箱度，所有污穢既餐具食物殘渣等等只能放到垃圾桶，新一年做下好事積下福，唔好等回收工作人員白做一場，以及浪費其他有心回收人士既心血）
