聖誕佳節，又是一年一度搞party食聖誕大餐交換禮物的普世歡騰時刻。上年聖誕大餐食過乜，你或者都唔太記得。只記得飲飽食醉幾頓過後，肚腩大左、個人重左、食到滯左。其實慶祝聖誕又何需大魚大肉？別以為素食一定係油油膩膩老老土土，今年聖誕就有一班推廣素食的有心人，推出素食禮物籃、製作一系列素食聖誕食譜，還搜羅了坊間不同的素食聖誕餐單。Boxing day同除夕仲未諗到食乜？以下介紹一些簡單方便的聖誕素食，想另一半或小朋友食得健康又開心，素easy﹗
1. 黑糖綠茶曲奇&薑餅人
推廣素食樂活的網上平台Vegbo，和各食家製作了一系列聖誕素食食譜。其中這款不需牛奶、用菜油代替牛油的聖誕曲奇好味又有氣氛。派對手工甜品首選﹗
食譜來源：Vegbo HK
2. 茄汁大啡菇（奶素）
鍾意食burger又覺得太heavy，可以試試動手做呢個極簡易的素burger。用大菇、甘筍、薯仔同西蘭花做主要材料，飽土又唔滯。最重要係，賣相靚仔又易整嘛﹗
食譜來源：Vegbo HK
3. 素香雜錦四重奏
想來一個中式小菜，嚐綠生活在冬至時就上載了一款簡易新菜式，用香芋、杏鮑菇、豆乾、豆角配上天然素醬，屋企人一定鍾意。
食譜及相片來源：嚐綠生活 Green Leisurely
4. Green Hamper 禮籃
聖誕節出席不同party，總少不了交換禮物或者預備食材。積極推動茹素的 Green Monday 今年聖誕推出特別的禮物籃，內有十多款不同素食小吃及食材，如果乾、花茶、醬油、粉麵等。無論自己下廚或送禮都好方便。
相片來源：Green Monday
懶得煮想出街食，可以參考上述平台搜羅不同餐廳的聖誕素食menu，仲提供埋聖誕環保green tips。想來一個清新健康的素綠聖誕，其實唔難。