前日（30/5），十一名被拖糧既地盤釘板工友聯同職工盟屬會建築地盤職工總會到地盤出入口抗議，要求大判禮頓建築（亞洲）有限公司同二判梁杯板模工程有限公司馬上出糧。行動期間，有判頭發惡打工會幹事何天忻（下稱阿蝦），大嗌「屌你老母，搞事。」更衝前搶咪。到今日(1/6)，打人暴徒判頭仍然逍遙法外，令人憤怒。換著件事發生喺高官權貴身上，一早以「普通襲擊」拉咗返差館。
勞工組在此嚴厲譴責歹徒判頭不單拖糧，更暴力對待協助工友追討工會幹事，鬼唔望你以後無生意做，刑事欠薪告埋上庭，有種就同法官講多次「屌你老母」！勞工組先喺到同你講聲「拖糧打人仆街死全家」！
阿蝦聽日（2/6）會報警，我哋亦在此表達慰問同支持，希望唔會再有同類事情發生，亦請警察做實事，拉鳩返拖糧打人者，佢地先係搞事既人，唔好留難幫手追糧既工會幹事同被拖糧既工友。
同樣係前日（30/5），晚上有工權會前輩陳錦康先生既追思會，當晚好多人講到喊，但除咗係對陳錦康生前的懷緬與難捨，更再三強調要承傳陳錦康之志，在座眾人必須謹記職業安全之重要，莫令工人再生傷亡。
勞工幹事唔只係「工運友」，同樣亦係「工人」，需要有「職業安全」，既唔係話炒就炒，更唔係話打就打，近年政治形勢越來越嚴峻，非建制陣營既「工人」隨時被捕、坐牢、DQ，家人不時都想你「唔好再做呢行啦！」更唔好忘記，喺大家遇襲既時候，亦總會有人笑話抵你死！搞搞震！
任由判頭揮拳逞威風，只會令其他判頭覺得咁做無後果，有樣學樣！從過去工運前輩既遭遇可知，老闆對於協助工人既人，從不猶豫使用暴力，甚至買兇殺人。因此我們認為，絕不能姑息針對工會既暴力，否則無良老闆只會變本加厲。
內地政權對工運之打壓，工運中人必然清楚，隨著中港界線越來越模糊，今日內地工運人之惡劣境況，便是他朝香港工運人既哀歌！
最後，再次表示對阿蝦既慰問與支持，在追討下一個千萬之前，不忘自身安全，加油！
勞工幹事唔係話打就打！
勞工組
2019年6月1日