哎呀開始見到有啲人網上講，覺得尋日警總玩大左，掟蛋真係好暴力，困住佢哋屌佢地老母觀感真係唔係太好，但係二百萬零一人上街之後，林鄭同埋警隊真係冇誠心認過錯吖嘛，咁係邊個錯？
其實大家都明白條條例已經算係撤回，蔣麗芸係送多一腳比林鄭，政府嗰份新聞稿寫到明過咗今屆立法會期份法案就會失效，林鄭稍為用個豬腦都唔會再推呢條條例，如果唔係今年區選同埋出年立法會選舉建制派實會陪葬，到時林鄭買埋花圈幫佢哋送殯都仲得。
但係問題係成個政府搞到咁大鑊粥，佢哋仲以為自己好醒，次次都問非所答，玩埋啲語言偽術，林鄭死都唔肯講撤回呢兩個字，道歉嗰陣時個樣仲串過馬撚，鞠躬都冇鞠過一個，其實作為香港人有乜可能會接受呢啲道歉，林鄭書面語同埋廣東話其實都係講「Sorry囉對唔撚住喎」，警隊一哥啲手足拎支槍指住我哋香港市民個頭，仲真係開槍，無人比佢地打死其實係佢哋執到身彩，你睇佢哋由6月12號去到宜家有邊一次出嚟講嘢係令到大家條氣順少少，可能有啲人接受佢嘅道歉可能係因為想件事快啲完，又或者都接受左佢哋係好串，但係佢哋都一敗塗地顏面掃地，但係個社會嘅將來係我地嘅，我哋係咪都有權選擇要唔要生活係一個做錯事講錯嘢唔使負責任，總之有權就大晒嘅社會，我哋係咪要咁樣嘅社會？唔係啊嘛，我哋都唔會咁樣教自己啲小朋友啦。
尋日所有人都成身汗，企足10幾個鐘就係為咗要警察出嚟負佢哋應該要負嘅責任，有唔啱咩？有做錯咩？有人覺得收夠籌就好收手，其實呢種諗法都係屬於年代嘅腐敗產物，去追求一個誠心誠意嘅道歉，要呢個城市裡面權力最大嘅特首回應民眾嘅聲音其實係好基本嘅事。
尋日成件事冇大台冇領袖，有嘅最多都係一群泛民議員企係一個一定唔可以衝擊嘅軍事重地度幫手頂住，覺得佢哋做得唔啱嘅人除咗話佢哋唔啱之外，係咪可以自己再做多啲野，俾多啲壓力政府去滿足我哋所有人嘅訴求，因為我哋冇可能對權貴咁寬容，對弱勢就咁嚴苛，雞蛋同高牆，無論雞蛋有幾錯，我哋都應該企喺雞蛋嗰一邊，嚟緊仲有幾個集會，各有各做，一齊出嚟送多林鄭一程，成唔成功無人知，但起碼我哋盡過力，冇人想日日企條街度成身汗戴晒口罩驚俾人拉，邊個唔想去食好西打下卡，去吓日本去吓台灣，但係件事未完就係未完，如果我哋咁輕易放過呢班權貴，就係對唔住自己對是非黑白嘅原則，亦係令所有仲堅持緊嘅人失望，係咁多。 Sorryfor1999