題為編輯所擬
年紀大，機器壞，當我氣來氣喘跑上十六樓天台的時候，戰友們已經早我一步到達現場，三位軍裝警員站立一角，對忽然登上天台的七八位朋友連同記者，視若無睹，完全無詫異之態。
我看了看現場狀況，發現天台留有一油漆罐，在面向彌敦道一側，有一破裂膠袋，及飛濺的油漆痕跡。
我要求同行的朋友在一角拍照，拍下現場大環境，及破裂膠袋飛濺出油漆的狀態後，我轉而對在場警員發話。
我：阿SIR，唔介意我記下你的警員號碼吧。
兩位警員無意見，然後我向第三位沙展說出同一番話。
沙展：係咪我話介意，你就唔寫低先。
我：阿SIR，我嘗試禮貌咁同你講聲，你唔同意我都會寫低，但如果你唔需要我禮貌咁同你講嘢，我可以直接少少。阿SIR，有人高空擲物，幾個載有油漆及糞便既膠袋從呢個地方擲下，我想求證一下，你地看守呢個天台有幾耐？
沙展：黃昏開始就已經系度。
我：阿SIR，咁頭先有冇人從呢度掉嘢落街？
沙展：我地ORDER系面向呢邊（南向），我唔知身後發生咩事喎！
我：阿SIR，兩三米距離，你話你唔知有人系度犯案？呢度有晒其中一個膠袋失手爆開既痕跡，應該有聲架喎！
沙展：我冇聽到任何嘢。
其後，我開始與該沙展理論，而該警員明顯在HEA我，于是我用更直接方式說話。
我：阿SIR，我有理由相信你系知道，我甚至有理由懷疑系你地所為，我而家要報警。
該警員開始不耐煩。
沙展：你報囉，而家你話我知你報咩嘢，你睇到咩嘢。
我：阿SIR，我睇到既我講晒，而家系你有責任去查而唔系問我睇到咩嘢，得你幾個系度，我可以睇到咩呀。
然後警察要求身份證，我的證件放在街站帳幕的背包，於是家明幫忙，與警察周旋，火藥味濃。
然後我拿出之前拍下的小孩中招照片，出示給其他警員看。
我：十歲八歲咋！阿SIR，於心何忍呀！
糾纏一輪，全哥在樓下報了警，於是我們全部下樓。
從一開始疑點已經出現，天台的警員對忽然而來的七八個人無反應，沒有安撫，沒有詳細詢問，只像路人甲一樣繼續他們的面向南方觀察工作。
天台的範圍不大，無可能在有人犯案之時，警員會不察覺，尤其其中一個載有油漆的膠袋就在警察身後兩三米處爆開。
沙展在我們合理而直接的質詢下越見暴躁，他並不像想解決問題，而更像在拖延，等待其同袍。
在我展示小童被擊中的照片後，警察一瞬間無語。
我不懂PS，不想將惶恐的小孩照片上傳，見諒。
三名警員編號：13603及 52495及沙展 15641