文：街坊女
話說呢兩日開著電視好似和真的生活係兩件事咁。
昨日整天身處深水埗、油尖旺，就覺得個世界好正常喎：黃金依然迫爆，某駐名麵檔依舊大排長龍；店舖如常做生意，同電視裡頭果個，都好似係兩個世界咁。回家上網，不少網上見到實景有荷槍實彈的警員，且有橙色警方橫額話「可能開槍」。
開著電視，新聞報導都亂哂龍，個記者明明在直播時重覆左好多次警方舉的牌：黑色那邊係話會放催淚彈，橙色那邊是話會開槍，這和網上見到張相符合。但到了晚間新聞，慣性收視台又驚青，報政府話無話要開槍。嘩，咁啱我無野做成日開住個電視啫，唔係咪俾電視台呃？
今晨打開份報紙，嘆茶之際，見方向報又話到啲人好「暴力」咁, 但係方向報自己個記者實唔係示威啦呱,仲要當時站在高處, 咪一樣食哂催淚彈好辛苦（佢自己都有報）！頭條大隻字仲話：「香港回歸十七年來，首次陷入完全失控局面！」、「市民今早一覺醒來，可能已看不見自己一直熟悉的香港。」
唓，有無咁誇張呀？我望下周圍的人，都好似平時咁啫喎。睇嚟有三條馬路唔運作一日，原來香港係唔會好似政府講咁，係唔會瓜柴架喎。唔通方向報唯恐天下不亂？咁到底點解方向報要吹到咁誇張呢？咁樣製造混亂對邊個有好處呢？
不過，話時話，如果一覺醒來，可以即刻有政策令我地唔洗挨貴租劏房，可以即刻有全民養老金，可以即刻有合理人工，學生可以唔洗交咁貴學貴，咁我又唔介意呢種「唔熟悉的香港」喎，可惜呀，邊到有咁容易？