話哂都新年流流，旺角發生衝突，點都唔少得用舌戰方式來拜年。
如果你支持抗爭者，一定會聽到以下說話
- 只站在暴徒一方說話，只批評警察及政府的不對是否選擇性失明?
- 你只會選擇批評你想看的事實。
- 警察不是全對。當然有不妥善的地方。又為什麼不見你落力批評暴徒行為？
- 今日就當食環署掃小販是不近人情好了沒有？有需要放火掟磚衝擊打人嗎？
- 自己打警察卻不肯給人反抗嗎？
當面對親友以上的恭賀，絕不能用左右各打五十大板的說話草草回應。
如果你同我都係和理非的左膠，又唔想同人一開口就鬧，可以用 DSE的金句，I agree with you開始：
「我都反對暴力，我唔 like 見到 D 暴力，血腥在電視出現，就算政府制度暴力，示威者都不用暴力。係咪先？」
引咗Agree 之後再用他支持佢的論點，去長驅問題核心。
「我覺得如果警察有生命危險，提升武力去自衛都合理，但係當可以有七個以上的警察圍一個示威者時，點解警察選擇圍毆而不作出拘捕呢？」
繼續以支持警察正常系統，去令他們懷疑警察行動目的。
「其實我覺得佢地拉得唔多人，之前有人網上吹水叫人炸狄狄尼，警察都為防止罪行發生，就上門拘捕，但是黃洋達在警察前叫陣，叫人丟磚唔拉？黃台仰叫人放火唔拉？ 點解 D警察會咁，有大唔捉，去捉 D細，都唔知想點，但是我又唔覺得佢地想亂 D，大佬話就話多 D OT錢，但點都會受傷，你話點解呢？」
當然，他們會用同埋心俾警察，話佢地壓力大，咁你應該關心下佢地，而指出問題在警察系統。
「其實大家工作壓力大，自然火氣大，警察都唔例外，警察有時不按警例，使用私刑，我都明，甚至忘記任務是穩定而不是攪亂場面，其實我們番工做錯嘢都要問責，隨時要炒，但雨傘運動到現在，有冇警察因為用私刑受罪，被人炒？冇 ! 公平咩！」
「警察同示威者一樣，你唔罰做錯嘢的人，佢地就會亂來。」
「警察有致命武器，權力的人，不按規則做事，是很大鑊。少數警察有問題可理解，但是現有的警察制度，根本不去對警察有嚴格要求，說好警察的專業呢？」
對不起，新年流流不想舌戰拜年。
我想政府及市明白針對人而不針對系統問題，社會不會改好的。
我只想祝願香港社會有法可依，明天會更好。