（獨媒特約報導）發展局於5月推出「特惠補償及安置安排」，稱加大寮屋清拆補償。土地正義聯盟今日聯同受迫遷影響村民召開記者會，批評新的補償安排誤導公眾，重申將堅持「不遷不拆」的立場。立法會議員朱凱迪批評發展局「假仁假義」，受影響的村民是「啞子吃黃蓮」，呼籲政府公開道歉。
朱凱迪：補償明加實減
朱凱迪指出，發展局稱擁有1,000呎物業的村民最高可獲120萬補償，但受影響住戶中最高物業面積只有400呎，換言之補償是「明加實減」。朱凱迪又指，擁有物業的村民根本無法「上樓」，斥政府從未就此向村民解釋，「有居民問我，如果有間屋有七個人，其中一個有物業，咁七個人有咩處境？」
朱凱迪亦形容發展局「欺善怕惡，大石砸死蟹」，根本從未平等正視村民，「點解可以聽高球場意見，又從來唔聽村民意見？」他又以律政司司長鄭若驊潛建一事作例，「鄭若驊『搭多咗』咁多都冇所謂，村民『搭多咗』啲就可以用嚟做理由收人地間屋，根本係厚此薄彼。」
橫洲三村代表歐陽先生
村民斥政府抺黑 「我哋根本乜都冇」
橫洲三村代表歐陽先生斥政府「呃市民」，他指自己居住的地皮並非用以興建公屋，而是學校和道路，質疑政府收地的用途，「最後會唔會又賣畀私人地產商？」他又指自己居住的房屋經過律師樓買賣手續，絕對合法，但政府竟拒絕承認，「抺黑話我哋係霸地方」。他曾主動詢問地政署，負責職員則回應「我哋好低級，話唔到事。」古洞村民華哥亦指，政府從未解釋稱寮屋「非法」的原因，指局方「混淆視聽」。
歐陽先生指，與家人多年來一直於寮屋居住，須照顧有長期病患的老人，但政府竟希望強硬收取土地，「咁叫我點照顧老人家？點安置？」華哥則指，他平日於家中種花及造花盤維生，政府奪去寮屋等於奪去其生計。華哥批評政府對寮屋住戶欠缺了解：「佢哋根本冇了解村民情況。北區區議會啲簡介會我場場都有出席，但問返佢哋，竟然唔知我哋嘅情況，咁又點制定補償？」
古洞村民華哥
古洞村民李小姐指被政府抺黑，「啲人鬧我哋貪心，120萬都唔要，事實上我哋根本乜都冇。」她又指自己以往從來不敢發聲，站出來是因爲已被「迫到冇路走」。
李小姐表示，政府職員上門就補償計劃進行登記時，未有清楚說明收地一事，只稱「唔登記可能到時一收地就乜都冇」，沒有解釋計劃詳情，令部份村民被誤導：「啲老人家唔識，又驚真係乜都冇，就畀佢入屋，將啲證都畀曬佢睇。」
被問到未來的後續行動，村民代表指「仲未商量好」，但將繼續堅持「不遷不拆」。
記者：王沛嘉