居小學生
仍然生存日記
*以下是節錄:
阿同之圖畫故事
1.魚蛋BB是天空的「食物國王」的兒子。
2.魚蛋BB要係天空三個月，先至可以落凡間玩三個月。
3.魚蛋BB唔捨得走，於是就喊起上嚟。
4.咁喊緊嘅魚蛋BB遇到數碼精靈媽媽。
5.數碼精靈媽媽要生BB，但係又唔識得生，咁魚蛋BB就帶左數碼精靈媽媽上天空揾食物國王。
6.因為食物國王有能力用「光之水」令數碼精靈媽媽孵化個BB。
7.要生BB，「她」就只能裂開，於是數碼精靈媽媽就會死。
而魚蛋BB和凡間海中的那條魚，難捨難離。
居留權小學問問答答
提問：潔儀（前同學）﹑彩鳯（雜務）
﹑June（老師）﹑草（常務）
答問：阿全﹑阿同
一。潔儀：你在居小學習到什麼？
全：學到要反對社會不對的地方，及學識用電腦。
同：學到打英文字。
二。彩鳳：你覺得居小有什麼需要改進的地方？
全：無。呢個世界是沒有十全十美的。
同：部電腦成日要整，因為呀全成日下載埋啲病毒。
三。彩鳯：你有冇發過咩特別驚的夢？
全：係夢入面做緊同現實一模一樣的野，搞到我分唔到現實同夢境。
同：我試過拎住條籐條訓覺，想喺夢入面用劍殺死啲壞人，點知係夢入面畀啲壞人斬到全身都斷哂。
四。June：你最鍾意去邊個地方？
全：去網吧
同：去香港仔睇狗
五。同：呢個世界有無人係傻傻地的？
全：分唔到邊個係傻，邊個係清醒既！唔知係由邊個去判斷，有D人可能覺得入左去青山既好清醒！
同：有！全公公成日打機，好似精神病！
六。潔儀：你覺得喺居小開心啲定係喺屋企開心啲？
全：兩樣都唔係，係網吧最開心！
同：係居小開心啲！
七。June：你最想學習到什麼？
全：電腦。不過學到未必好開心。
同：英文。因為唔識，好難。
八。同：點解太陽可以晒到去大陸（中國）咁遠？
全：點問題好柒，你有冇上過常識堂架。
同：因為太陽太熱，所以太光，於是就可以晒到去中國咁遠啦。
九。草：你試下想像一下無左居小會點樣？
全：回復到以前的生活：係屋企訓覺同睇電視。
同：會喊囉，因為會見唔到呀全。
十。同：點解答巴士可以過左個海去到香港島嘅？
全：因為問既人ON9！
同：因為有海底隧道！
居小同學X
姓名：喪屍全
出生：1996-??-??
身高：不斷長高中
體質：極孱
學歷：幼稚園+居小兩年
興趣：打機打機打機再打機
自訂年級：Z級（最低級）
自我介紹：來自內太空的孱仔
居小同學T
姓名：阿同
出生：1999-??-??
身高：同樣不斷長高中
體質：壯
學歷：幼稚園+居小三個月
興趣：上facebook耕田
居小呼籲
因為政府的歧視政策，這些孩子被剝奪了身份－－他們的父母在香港，家在香港，但他們竟然不是香港人，竟然不能居住香港。
繼而，他們失去了各種各樣的權利。當中包括接受教育的機會：在香港，除了制度簡單幼稚園，他們再無接受教育的機會（沒有身份証，什麼也做不來）。
而有一群居權運動多年積聚下來的人，嘗試在可能的情況下，填補這個因不公的政策而形成的空虛。
情況是，眼前這幾位同學(未來會再多一個學生)，緃使情況不一，但他們爭取居留權的路似乎還需要繼續走一段相當長久的日子，所以我們希望盡可能更有系統地支援他們的生存。
於是，我們策劃了「陪伴者計劃」－－讓各位有心﹑但無力恆常參與居小的朋友，合力支持一位陪伴者的生活，使之能夠恆常地參與和維持居小。以解決義務老師不足的情況。
現在，這個計劃的實行已經快將半年，而支持計劃的人數仍然稀少，資源不足。
為了能夠維持運作，我們呼籲各位朋友可以恆常參與居小的活動(例如包辦一星期一課﹑和參加每月一回的會議)，而沒有時間恆常參與居小的朋友，亦可以成為居小的恆常捐助人。
或多或少，或錢或力，讓我們一起支撐這群在夾縫中生存的居留權孩子。
居留權小學(第二代)陪伴者 草
終院判決十一周年 二零一零年一月二十九日
居留權小學聯絡人：黃小波 電話：9624-0117 電郵： [email protected]
居留權小學網頁：http://superschool.wordpress.com/
********************
居小學生仍然生存日記
2010.1.29居留權十一年特刊
初印200份。於129晚會派發。
全文網絡版:
https://docs.google.com/fileview?id=0B5G6cNAqdtAdNDEzY2VmYzgtYjJiYy00ODc...