星期六晚，我地帶埋佔領區的相片、年輕人寫俾爸媽嘅信、民主牆、單張等，繼續喺葵芳地鐵站外落區。開初一個多小時，反應一般，不斷派單張，但願意接單張嘅市民唔算好多。
大約十點，有個叔叔開始喺街站鬧我地，有兩三位市民加埋一起鬧。本來成晚派單張嘅反應麻麻，但當叔叔鬧我們個陣，圍住我地嘅人越黎越多。幾位市民一直鬧，亦話「唔會有人支持你地架喇」。我地嘅義工即場問圍觀嘅群眾，「咁支持真普選嘅人不如舉一舉手」，現場嘅市民大多都舉起左隻手，然後大家都一齊拍手。幾位鬧我地嘅市民喺大家嘅拍掌聲下慢慢咁走左，而留低嘅群眾亦越黎越多，多左人接單張，多左人喺民主牆寫野，多左人停低睇我地準備嘅展板。
雖然開頭反應唔算好好，但當一經歷俾人鬧，信念相近嘅群眾自然會聚埋一齊。落區除左要聆聽同面對唔同人嘅聲音，亦都讓大家番到社區時知道，喺社區內大家都唔會孤單。