清場之後，政總外的添美道還有一班留守者。在他們心中，現在是佔領運動第一百一十六天。而這位牧師已經在此留守了整整一年，早就準備作長久抗爭。
Bob 在大埔居住二十年，冷戰時曾於美軍服役。他此時卻對「香港少年軍」非常反感。
「先唔講係咪洗腦，我以前受軍訓就只有兩個目的，一個係保護國土，另一個係訓練你去殺人。我睇唔到呢啲嘢對小朋友成長有咩益處。整呢啲有政治效忠色彩嘅少年軍係專制政府嘅特點。」
「我有兩個十幾歲嘅仔仔，喺香港出世，喺呢度長大，兩個都讀本地學校。但係政府將啲教育理念溫水煮青蛙慢慢改變梗，所以我而家真係為小朋友所受嘅教育擔憂。令我驚訝嘅係，好多人仲係不聞不問。」
他走出自己的營地，準備到灣仔警署聲援被捕學生。
「我唔會理其他人點做點諗，呢啲係佢地嘅選擇。其實，你吸收知識嘅源頭，就決定咗你嘅思想同行為。我嘅知識源頭，就係本聖經。」
一月廿一日
政總外的「添美新村」