做特首要600張以上選委票，唔係就要再選，即係50％以上，咁我突然唔明點解多人出選就係分薄票源，假設得非薯叔同林病兩個人，其中一個拎到601票，另一方都唔會拎到601票即係50％，呢個係廢話，我明。
咁跳去多人參選，只要冇人拎到50％以上既票，就要踢走低票既人重選，咁既情況，點解會出現分薄票源一說？？
即係ABCDE五人，A拎50％票，B拎30％票，C拎20％票，D拎10％票，E拎0％票，咁都要唔會係A當選，因為要拎51％票先可以做特首。而就算得A同B同C，A拎50％，B拎49％，C拎1％，A都係唔會當選。
即係幾多人選都好，只要最高票既唔過50％票，就要踢走低票既人重新投票，咁既情況，點解會得出到多人參選互相搶票一說呢？？多人參選搶票分薄票源呢個講法共實只係適用於立法會同區議會選舉，因為兩者都係冇當選票數百分比限制而係票高者當選，如果冇競爭什至可以自動當選，咁呢個情況，多人參選就真係會分薄左票源，但不適用於香港特首選舉。
感覺而家好多人係因為習慣左立法會同區議會選舉個模式，而MISS左呢個關鍵既盲點，所以好驚多人參選，就係會出現互相搶票而俾林鄭選到，而事實係如果林鄭拎到51％票，就算得兩個人參選佢都做到特首，相反就算假設有最多8個人參選，而林鄭拎唔到51％票，其他人一票都冇，林鄭都唔會做到特首，要再重新投票直到有人有51％以上既票為止。如果到得返兩個人都冇人50％以上將作流選論，整個選舉將會由提名期起開始重新進行一次。
咁樣睇，其實長毛參選推公民提名，有冇帶黎實質上既搶票呢，可能會有，但根本唔會影響到結果，因為一早有51％以上當選呢一度機制把關，所以話長毛搶票，係大家睇慣左立會同區會選舉模式而產生既盲點，而唔係真係存在長毛參選增加林鄭當選機會，其實我相信自決派同社民運連早就有晒保險，我係唔多明佢地點解好似冇點講出黎，網上都好似冇咩人講。
所以，我支持更多人去爭取公民提名去出選，借特首選舉既勢去做民主進程，咁樣民主運動係可以進步到更多的。